شىعىس قازاقستان وبلىسىندا 4 ملن تەڭگەدەن اسا پارا العان لاۋازىمدى تۇلعا ۇستالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى حابارلادى.
"شقو-نىڭ سىبايلاس جەمقورلىققا قارسى قىزمەتى ارنايى جەدەل-ىزدەستىرۋ ءىس-شارالارى كەشەنىنىڭ ناتيجەلەرى بويىنشا ق ر ءىىم قىلمىستىق-اتقارۋ جۇيەسى كوميتەتىنىڭ "ەڭبەك-وسكەمەن" شجق رمك-نىڭ لاۋازىمدى تۇلعاسىن ۇستادى.
ول 2020 جىلعى شىلدە مەن تامىز ارالىعىندا جۇيەلى نەگىزدە ءبىرقاتار كاسىپكەرلەردەن (شاعىن جانە ورتا بيزنەس سۋبەكتىلەرىنەن) شارتتارعا، ورىندالعان جۇمىستار اكتىلەرىنە كەدەرگىسىز قول قويعانى جانە ولار بويىنشا اقشالاي قاراجات اۋدارعانى ءۇشىن جالپى سوماسى 4 ملن تەڭگەدەن ارتىق سومانى پارا تۇرىندە الىپ وتىرعان.
2020 جىلعى 28 تامىزدا اتالعان تۇلعاعا قاتىستى وسكەمەن قالاسىنىڭ مامانداندىرىلعان تەرگەۋ سوتى "كۇزەتپەن ۇستاۋ" بۇلتارتپاۋ شاراسىن سانكسيالادى" دەلىنگەن اگەنتتىك تاراتقان حابارلامادا.
پىكىر قالدىرۋ