دوڭگەلەك ۇستەل وتىرىسىنا  قازاقستان رەسپۋبليكاسى پارلامەنت ءماجىلىس دەپۋتاتتارى دارحان مىڭباي، كارىباي مۇسىرمان، «Egemen Qazaqstan» رگ» اق باسقارما ءتوراعاسى دارحان ءقىدىرالى، جۋرناليستيكا ارداگەرلەرى نامازالى وماش ۇلى، اقىن-جازۋشىلار نەسىپبەك ايت ۇلى، قاراعىز ۇلى باۋىرجان، داۋلەتكەرەي كاپ ۇلى، وڭايگۇل تۇرجان، روزا مۇقانوۆا، ساياساتتانۋشى قۇانىشيەۆ جاپسارباي، تاريحشى اياعان بۇركىتباي، ەۆرازيالىق ۇلتتىق ۋنيۆەرسيتەتىنىڭ رەكتورى ە. سىدىكوۆ، «قازاقپارات» حاا» اق باسقارما ءتوراعاسى اسقار ۋماروۆ، «ايقىن» گازەتىنىڭ باس رەداكتورى نۇرمۇحامەد بايعارا 
قاتىستى.

سونىمەن قاتار Zoom كونفەرەنسياسى ارقىلى قازاقستان جازۋشىلار وداعىنىڭ وبلىستىق فيليالدارىنىڭ باسشىلارى، وبلىستىق گازەتىنىڭ باس رەداكتورلارى اتالمىش شاراعا قاتىستى.

اقپارات جانە قوعامدىق دامۋ ءمينيسترى ايدا بالايەۆا 11 باعىتتان تۇراتىن جولداۋداعى ەڭ باستى باعىت ەلدىڭ ءال-اۋقاتىن جاقسارتۋ ەكەنىن،  سونداي-اق كەزەكتى جولداۋ ەل دامۋىنا جاڭا سەرپىن بەرەتىنىن ايتىپ ءوتتى.

"جولداۋ اياسىندا ۇيىمداستىرىلاتىن شارالاردىڭ بارلىعى دا قاراپايىم حالىقتىڭ ەرتەڭى ءۇشىن. ىندەت باستالعالى ەلىمىزدىڭ سالت-داستۇرىندە ءتۇرلى وزگەرىستەر بولىپ جاتتى. ونىڭ جاقسى تۇستارى دا، جامان تۇستارى دا بار. ەڭ جاقسى تۇسى - ءبىز وسىناۋ قيىن-قىستاۋ زاماندا ءبىر ۇلت بولىپ قالىپتاسقانىمىزدى كورسەتتىك. قايرىمدىلىق، بىر-بىرىمىزگە دەگەن باۋىرمالدىق، جومارتتىق دەگەن ۇلكەن قاسيەتتەرىمىزدى تانىتا بىلدىك» – دەدى ايدا بالايەۆا.

جيىن بارىسىندا ءسوز العان ءماجىلىس دەپۋتاتى دارحان قامزابەك ۇلى ءار جولداۋ رەفورمالاردى جۇزەگە اسىرۋ ءۇشىن جاسالاتىنىن اتاپ ءوتتى.

«پرەزيدەنتتىڭ كەزەكتى جولداۋىندا ساباقتاستىق بار. ويتكەنى مەملەكەت باسشىسى قاسىم-جومارت توقايەۆ وسىدان 5 جىل بۇرىن ەلباسى كوتەرگەن ماسەلەلەردىڭ كوپشىلىگىن ءارى قاراي جۇزەگە اسىرۋدىڭ جولدارىن ۇسىندى. پرەزيدەنت جولداۋدا "كەش قابىلدانعان شەشىمنىڭ ءوزى جاي عانا زيان ەمەس، ول ۇلتتىق قاۋىپسىزدىگىمىزگە قاتەر توندىرەدى" دەدى. ءبىزدىڭ بۇگىنگى جيىن دا وتە دەر كەزىندە جاسالىپ وتىر. ءار دەپۋتاتتىڭ تيىمدىلىگى بولۋى كەرەك. سوندا عانا جاقسى ساپالى زاڭدار بولادى» - دەدى ول.

جيىننان سوڭ ايدا بالايەۆا «Egemen Qazaqstan» گازەتىنىڭ تىلشىلەرىمەن كەزدەستى. باسىلىمنىڭ اتقارىپ جاتقان جۇمىسىنا وڭ باعا بەرگەن مينيستر ۇجىمعا مينيسترلىكتىڭ اتىنان اۆتوكولىك سىيعا تارتتى. 

@aqparatqogam