الماتىدا 23 مىڭنان استام ادام تۇراقتى جۇمىسمەن قامتىلدى. بۇل تۋرالى وڭىرلىك كوممۋنيكاسيالار قىزمەتى الاڭىندا وتكەن ونلاين بريفينگ بارىسىندا، الماتى الەۋمەتتىك ءال-اۋقات باسقارماسى باسشىسىنىڭ ورىنباسارى دانيار الكەباي ۇلى ايتتى.

د.الكەباي ۇلىنىڭ ايتۋىنشا، بۇگىنگى تاڭدا توتەنشە جاعداي كەزدەگىمەن سالىستىرعاندا، مەگاپوليستەگى ەڭبەك نارىعىنداعى جاعداي تۇراقتى.

«جىل باسىنان بەرى قالادا 23 مىڭنان استام ادام تۇراقتى جۇمىسمەن قامتىلدى. جۇمىسقا ورنالاسقان ازاماتتاردىڭ نەگىزگى 70%-ى تج رەجيمى بىتكەن كەزدەن، ياعني وسى جىلدىڭ 11 مامىرىنان باستاپ ورنالاسقان»، — دەدى د. الكەباي ۇلى.

جۇمىسقا ورنالاسقىسى كەلەتىندەر حالىقتى جۇمىسپەن قامتۋ ورتالىقتارىنا جۇگىنە الادى.

«جۇمىسسىز قالعان، جۇمىس تاپقىسى كەلەتىن ادامدار جۇمىسپەن قامتۋ ورتالىعىنا نەمەسە enbek.kz پورتالىنا جۇگىنە الادى. بوس ورىندار بار»، — دەدى ول.

قالا تۇرعىندارىنا ىڭعايلى بولۋ ءۇشىن جۇمىسپەن قامتۋ ورتالىعىنىڭ ماماندارى 6 اۋداندا تۇرعىنداردى قابىلدايدى:
- ناۋرىزباي اۋدانىنىڭ تۇرعىندارى ءۇشىن-ناۋرىزباي اۋدانى اكىمى اپپاراتىنىڭ عيماراتىندا، مەكەن-جايى: ش. ا. شۇعىلا، 347 ءۇي، 2 قابات، 212 كابينەت؛
- اۋەزوۆ اۋدانىنىڭ تۇرعىندارى ۇشىن-اۋەزوۆ اۋدانى اكىمى اپپاراتىنىڭ عيماراتىندا، مەكەنجايى: التىنسارين داڭعىلى، 23، 1-قابات، 103 كابينەت؛
- الاتاۋ اۋدانىنىڭ تۇرعىندارى ءۇشىن-Almaty Arena عيماراتىندا، نۇركەنت ىقشاماۋدانى، بلوك 24 «Qolday كاسىپكەرلىك ورتالىعى»؛
- بوستاندىق اۋدانىنىڭ تۇرعىندارى ءۇشىن-بوستاندىق اۋدانى اكىمى اپپاراتىنىڭ عيماراتىندا، ايمانوۆ كوشەسى، 191، 2 قابات، 216 كابينەت؛
- جەتىسۋ اۋدانىنىڭ تۇرعىندارى ۇشىن-جەتىسۋ اۋدانىنىڭ حقكو، مەكەنجايى: قۇلاگەر ىقشاماۋدانى، سەرىكوۆ ك-سى، 6ا؛
- تۇركسىب اۋدانىنىڭ تۇرعىندارى ءۇشىن – تۇركسىب اۋدانى اكىمى اپپاراتىنىڭ عيماراتىندا، مەكەنجايى: شولوحوۆ كوشەسى، 9، 1 قابات، 108 كابينەت؛

ەستەرىڭىزگە سالا كەتەيىك، الماتى قالاسىنىڭ اكىمشىلىگى حالىقتى جۇمىسپەن قامتۋ ماسەلەسىنە ەرەكشە كوڭىل بولەدى. بۇعان دەيىن قالا اكىمى باقىتجان ساعىنتايەۆ حابارلاعانداي، بيىل 56 مىڭ جۇمىس ورنى اشىلادى دەپ كۇتىلۋدە. ونىڭ ىشىندە 26 مىڭى — «جۇمىسپەن قامتۋ جول كارتاسى» باعدارلاماسى بويىنشا، جول جوندەۋ، كوگالداندىرۋ جانە تاعى باسقا جۇمىستارعا تيەسىلى.