Inter ۆاتا youtube ارناسىنىڭ جۇرگىزۋشىسى ۆاسيليي مەن ءوزىن قوستاناي قالاسىنىڭ تۇرعىنىمىن دەپ تانىستىرعان كيريلل ەسىمدى ازامات اراسىنداعى سۇحبات جاريالاندى. سۇحباتتا قوستانايلىق تۇرعىن قازاق ءتىلى مەن قازاق حالقى تۋرالى ۇلتارازدىعىن تۋدىراتىن، قورلايتىن سوزدەر ايتقان.
سۇحبات جۇرگىزۋشىنىڭ ءوزىنىڭ كييەۆتەن ەكەنىن، ۋكراين تىلىندە سويلەيتىنىن، ورىسشا ازداپ ويىن دۇرىس جەتكىزبەۋى مۇمكىن ەكەنىن ايتۋمەن باستالادى. بۇعان جاۋاپ رەتىندە سۇحباتتاسۋشى ازامات "ورىس ءتىلى ۇلتارالىق قاتىناس ءتىلى" دەگەندى ايتتى. جۇرگىزۋشى ورىس ءتىلىنىڭ قۇراما ءتىل ەكەنى تۋرالى قىزىق دەرەك وقىعانىنىمەن بولىسكەندە، قوستانايلىق تۇرعىن ءوزىنىڭ ۇلى ورىس تىلىندە سويلەيتىنىن، ۇلى ورىس حالقىنىڭ وكىلى ەكەنىن اتاپ ءوتتى.
ارتىنشا اڭگىمە قازاق ءتىلى تۋرالى بولعاندا كيريل ەسىمدى ازامات قازاق ءتىلى مەن قازاق حالقى تۋرالى بەيادەپ سوزدەردى بوراتا جونەلگەن.
قامشى پورتالى قۇزىرلى ورگانداردان قازاق حالقىنا، ونىڭ تىلىنە ءتىل تيگىزىپ، ۇلتارازدىعىن تۋعىزىپ وتىرعان ازاماتقا زاڭ شەڭبەرىندە شارا قولدانۋعا شاقىرادى.
