وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگ بارىسىندا «باقىتتى وتباسى» قالالىق ورتالىعىنىڭ باسشىسى ءزۇلفيا بايساقوۆا مەن ناۋرىزباي اۋداندىق «باقىتتى وتباسى» ورتالىعىنىڭ باسشىسى سانا جانداي الماتىلىقتاردى وتباسى كۇنىمەن قۇتتىقتادى.

«ەل پرەزيدەنتى قاسىم-جومارت توقايەۆ ءوز جولداۋىندا وتباسى جانە بالا ينستيتۋتىن قولداۋعا، الەۋمەتتىك جاعدايى تومەن وتباسىلارعا جۇيەلى كومەك كورسەتۋگە ەرەكشە نازار اۋداردى. بارلىق قازاقستاندىقتى وتباسى كۇنىمەن قۇتتىقتاۋعا رۇقسات ەتىڭىزدەر. وتباسى-قوعام ءومىرىنىڭ جانە دامۋىنىڭ نەگىزى. جىل سايىن قىركۇيەكتىڭ ەكىنشى جەكسەنبىسىندە قازاقستاندا وتباسىلىق قۇندىلىقتاردى دارىپتەۋ، مادەنيەتتى، ءداستۇر مەن رۋحانيلىقتى ساقتاۋ، وسكەلەڭ ۇرپاقتى تاربيەلەۋ، سونداي-اق الەۋمەتتىك سيپاتتاعى پروبلەمالاردى ەڭسەرۋ ءۇشىن وتباسى كۇنى اتاپ وتىلەدى»، — دەدى ز. بايساقوۆا.

ناۋرىزباي اۋداندىق «باقىتتى وتباسى» ورتالىعىنىڭ باسشىسى سانا جانداي الماتىلىقتاردى قۇتتىقتاپ، تىلەكتەرىن ءبىلدىردى.

«بارلىعى قازاقستاندىقتاردى وتباسى كۇنىمەن قۇتتىقتايمىز! الەمنىڭ ەشبىر كەرەمەتى تۋىپ-وسكەن قارا شاڭىراقتى الماستىرا المايدى! ءار ۇيدە جىلىلىق، جايلىلىق جانە قۋانىشتى كۇندەر كوپ بولۋىن تىلەيمىز. ءار بالا باقىتتى بولۋعا، مولشىلىق پەن ءال - اۋقاتتا وسۋگە لايىقتى»، — دەدى ول.

ەستەرىڭىزگە سالا كەتەيىك، 2019 جىلدىڭ مامىر ايىنان باستاپ الماتى قالاسىندا كوپ بالالى جانە از قامتىلعان وتباسىلارعا ارنالعان الەۋمەتتىك ورتالىق جۇمىس ىستەيدى. الماتى قالاسىنىڭ اكىمى باقىتجان ساعىنتايەۆتىڭ باستاماسىمەن «باقىتتى وتباسى اۋداندىق ورتالىقتارى اشىلدى. ورتالىقتاردىڭ قىزمەتى كوپبالالى جانە از قامتىلعان وتباسىلاردىڭ ءومىر ءسۇرۋ ساپاسىن ارتتىرۋعا، ومىرلىك قيىن جاعدايدان شىعۋ ءۇشىن وتباسىلاردىڭ ەكونوميكالىق جاعدايى نىعايتۋعا باعىتتالعان.