نۇر-سۇلتان قالاسىنىڭ پوليسيا دەپارتامەنتى ازاماتتىق بەلسەندى دۋلات ءاعادىلدىڭ ۇلى جانبولات ءاعادىلدىڭ قازاسى تۋرالى مالىمدەمە جاسادى. 

"10 قاراشادا ساعات 22.56-دا 102 نومەرىنە نۇر-سۇلتان قالاسى كوكتال ىقشاماۋدانى بولاشاق كوشەسىنىڭ بويىندا جاپپاي توبەلەستىڭ بولعانى تۋرالى حابار ءتۇستى. وقيعا ورنىنا كەلگەن پوليسيا قىزمەتكەرلەرى جاس جىگىتتەر اراسىندا جانجال بولىپ، ارتى توبەلەسكە ۇلاسقانىن انىقتاعان. سالدارىنان ەكى ادام دەنە جاراقاتىن العان. ونىڭ ءبىرى 17 جاستاعى ج.ءاعادىل اياعىنان جارالانىپ، جەدەل جاردەم كولىگى كەلگەنگە دەيىن سول جەردە قايتىس بولدى.

اتالعان دەرەك بويىنشا قازاقستان قىلمىستىق كودەكسىنىڭ 99-باپ 2ء-بولىمى (ادام ءولتىرۋ) جانە 293-باپ 3ء-بولىمى (قىلمىستىق توپ جاساعان، اتىس قارۋىن، گازدى قارۋدى، پىشاقتاردى، كاستەتتەردi جانە وزگە دە سۋىق قارۋدى نە دەنساۋلىققا زيان كەلتiرۋ ءۇشiن ارنايى لايىقتالعان باسقا دا زاتتاردى قولدانىپ نەمەسە قولدانۋعا تىرىسىپ جاسالعان ىس-ارەكەتتەر) بويىنشا قىلمىستىق ءىس قوزعالدى.

قازىرگى ۋاقىتتا جانجال قاتىسۋشىلارىن انىقتاۋ ماقساتىندا تەرگەۋ جۇرگىزىلىپ جاتىر. ۇستالعاندار تەرگەلۋدە. تەرگەۋ ناتيجەسى بويىنشا ءار ادامنىڭ ارەكەتىنە قۇقىقتىق باعالاۋ بەرىلەدى. تەرگەۋ جالعاسۋدا" دەلىنگەن پوليسيا دەپارتامەنتى تاراتقان حابارلامادا.

وقي وتىرىڭىز: جانبولات ءاعادىلدىڭ دوسى: جاقسى جىگىت ەدى