تۇركىستان وبلىسىندا جول اپاتى سالدارىنان ءۇش ادام كوز جۇمدى، دەپ حابارلادى Polisia.kz سايتى.
وقيعا 12 كۇنى قاراشا تاڭعى ساعات 9.00-دە الماتى-تاشكەنت-تەرمەز اۆتوجولىنىڭ 725 شاقىرىمىندا بولعان. اپات كەزىندە “DaewooNexia” اۆتوكولىگىنىڭ جۇرگىزۋشىسى ءرولدى باسقارا الماي، مەتالل باعاناعا سوعىلىپ، جول شەتىنە اۋدارىلعان.
وقيعا ورنىندا جۇرگىزۋشىنىڭ ءۇش تۋىسى، ونىڭ ىشىندە كىشكەنتاي ءسابي قايتىس بولدى. جۇرگىزۋشىنىڭ ءوزى جانە تاعى ءبىر جولاۋشى ءتۇرلى جاراقاتپەن اۋرۋحاناعا جەتكىزىلدى.
قازىرگى ۋاقىتتا تولە بي اۋداندىق پوليسيا ءبولىمىنىڭ قىزمەتكەرلەرى سوتقا دەيىنگى تەرگەۋ جۇمىستارىن باستادى. ساراپتاما تاعايىندالدى. پوليسەيلەر وقيعانىڭ تولىق ءمان-جايىن انىقتاۋدا.
پىكىر قالدىرۋ