"امەريكا قۇراما شتاتتارىنىڭ پرەزيدەنتى دونالد ترامپتىڭ اكىمشىلىگى ۆاكسينا وندىرۋشىلەردى، ءدارى تاراتۋشىلاردى جانە مەملەكەتتىك قىزمەتكەرلەردى كەلەسى اپتادا اق ۇيدە وتەتىن COVID-19 ۆاكسينا سامميتىنە شاقىردى" دەپ حابارلادى "Stat News" جاڭالىقتار ۇيىمى.
"سامميت 8 جەلتوقسانعا جوسپارلانعان جانە وعان ترامپ، ۆيسە-پرەزيدەنت مايك پەنس جانە جەكە سەكتور باسشىلارى قاتىسادى" دەلىنگەن حابارلامادا.
كەزدەسۋ اقش-تىڭ ازىق-تۇلىك جانە دارى-دارمەكتەر باسقارماسىنىڭ (ادب) قاراۋىنا ۇمىتكەر ۆاكسينالاردى بەرۋدەن بۇرىن وتكىزىلەدى. ۇمىتكەر ۆاكسينا قاتارىنا "Moderna Inc" پەن "Pfizer-BioNTech SE Inc" ۆاكسينالارى كىرەدى دەپ كۇتىلۋدە.
ءسامميتتىڭ جوسپارلارىمەن تانىس سالا باسشىلارى كەزدەسۋ كەزىندە "اق ءۇي ەكى ۇمىتكەر ۆاكسينانى توتەنشە جاعدايلاردا قولدانۋعا رۇقسات بەرۋدى تەزدەتۋ ءۇشىن ادب-عا قىسىم جاساۋى مۇمكىن" ەكەنى ايتىلدى.
"شاقىرىلعاندار قاتارىندا "Pfizer"، "Moderna" جانە دارى-دارمەكتەردىڭ ديستريبيۋتورلارى، ءدارىحانالار جانە "McKesson"، "Walgreens"، "CVS Health، United Parcel Service" جانە "FedEx" سياقتى لوگيستيكالىق كومپانيالار بار، – دەلىنگەن حابارلامادا.
پىكىر قالدىرۋ