«Nur Otan» پارتياسىنىڭ ورتالىق اپپاراتىندا بەينەكونفەرەنسيا بايلانىسى رەجيمىندە رەسپۋبليكالىق سايلاۋالدى شتابتىڭ ءبىرىنشى وتىرىسى ءوتتى. شتاب قۇرامىنا قوعامدىق پىكىر كوشباسشىلارى، پارتيا بەلسەندىلەرى مەن پارتيالىق تىزىمگە ەنگەن كانديداتتار قاتارىنان 400-دەن استام ادام كىردى.

«Nur Otan» پارتياسىنىڭ رەسپۋبليكالىق سايلاۋالدى شتابىنىڭ باسشىسى باۋىرجان بايبەك اتاپ وتكەندەي، 216 وڭىرلىك سايلاۋالدى شتاب جۇمىسىنا ەلىمىزدىڭ 7 مىڭداي بەلگىلى دە بەدەلدى ازاماتتارى جۇمىلدىرىلعان. بۇلاردىڭ قاتارىندا پرايمەريز جەڭىمپازدارى، قوعام قايراتكەرلەرى، قىزمەتتەگى دەپۋتتار جانە باسقالار بار. ولاردىڭ ءارقايسىسىنا ارناپ جەكە ۇگىت-ناسيحات جوسپارى جانە سايلاۋشىلارمەن كەزدەسۋ كەستەسى ازىرلەنگەن.

«ەلباسى، پارتيا ليدەرى نۇرسۇلتان نازاربايەۆ تاپسىرعانداي، ۇگىت-ناسيحات ناۋقانى اياسىندا ءبىز سايلاۋشىلاردى 100% قامتۋعا ءتيىسپىز. بۇل ءۇشىن بارشا پارتيالاستار، اسىرەسە، كانديداتتار سايلاۋ ناۋقانىنا بەلسەنە اتسالىسۋى كەرەك. پاندەميانى ەسكەرە وتىرىپ، قارقىندى دا ناقتىلانعان جۇمىس جۇرگىزۋ ماڭىزدى. ءبىز بۇقارالىق ءىس-شارالاردان ناقتى باعدارلانعان جيىندارعا كوشەمىز. ناقتى الەۋمەتتىك توپتار – زەينەتكەرلەر، جۇمىسشىلار، اگرارشىلار، مۇعالىمدەر جانە دارىگەرلەرمەن كەزدەسەمىز. ولاردى تولعاندىرعان ماسەلەلەردى جان-جاقتى تالقىلاپ، سايلاۋالدى باعدارلامادا كورسەتىلگەن ماسەلەلەردىڭ ناقتى شەشىمىن ءاربىر سايلاۋشىعا قاراپايىم ءارى تۇسىنىكتى تىلدە جەتكىزۋ قاجەت. شالعاي اۋىلدارعا دەيىن بارۋ كەرەك. پرەزيدەنت قاسىم-جومارت توقايەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرا وتىرىپ، ءبىز كوپشىلىكتىڭ ماسەلەسىن تىڭداپ قانا قويماي، ولاردى شەشۋىمىز كەرەك. ءبىز پارتيا مەن قوعام اراسىنداعى كەرى بايلانىستى نىعايتىپ، ازاماتتاردىڭ تالاپ-تىلەكتەرىن جيناۋعا ءتيىسپىز. ۇگىت-ناسيحات ناۋقانىمىزدىڭ باستى قاعيداسى – تۇرعىندارمەن تىكەلەي جانە شىنايى ديالوگ ورناتۋعا نەگىزدەلەدى»، – دەپ اتاپ كورسەتتى باۋىرجان بايبەك.

سونىمەن، تەك رەسپۋبليكالىق سايلاۋالدى شتاب اياسىندا عانا 35 قالا مەن 82 اۋداندا 300-دەن استام ءىس-شارا وتكىزىلەدى. وبلىستاردا، قالالار مەن اۋدانداردا بارلىق 6،4 مىڭ كانديدات سايلاۋشىلارمەن كەزدەسەدى. ونلاين-تەحنولوگيالاردى ەسكەرسەك، جالپى ءىس-شارالار كەمىندە 9 ميلليوننان استام قازاقستاندىقتى قامتيدى.

«جىل بويى ءبىز وڭىرلەرگە بارىپ، تۇرعىندارمەن كەزدەستىك، الەۋمەتتىك زەرتتەۋلەر جۇرگىزدىك، ساراپشىلارمەن كەڭەسىپ وتىردىق. «Nur Otan»-نىڭ قوعامدىق قابىلداۋ بولمەلەرىنە تۇسكەن بارلىق وتىنىشتەرگە تالداۋ جۇرگىزىلدى. پرايمەريز بارىسىندا كانديداتتارىمىز ازاماتتاردىڭ 17 مىڭنان استام ءوتىنىشىن جينادى. سولاردىڭ نەگىزىندە ءبىز بارلىق الەۋمەتتىك توپتاردىڭ مۇددەسىن قامتيتىن 250-دەن استام ناقتى ينديكاتوردى انىقتادىق»، – دەپ اتاپ ءوتتى باۋىرجان بايبەك.

پارتيا باسپا ءسوز قىزمەتىنىڭ مالىمەتىنشە، بۇگىن nurotan2021.kz ارنايى سايتى ىسكە قوسىلىپ، وندا بارلىق سايلاۋالدى باعدارلاما مەن پارتيالىق تىزىمدەر جاريالانعان.

«بۇكىل الەمدە جانە ەلىمىزدە پاندەميا جالعاسۋدا. وڭاي بولادى دەپ ەشكىم دە ۋادە بەرە المايدى. ايتسە دە، ءبىز ءارقاشان كۇش بىرىكتىرە وتىرىپ، كەز كەلگەن داعدارىستى ەڭسەرىپ كەلەمىز. ءبىزدىڭ سايلاۋ ناۋقانىنىڭ باستى ۇرانى – قيىندىقتاردى ەڭسەرىپ، جەڭىسكە بىرگە جەتەمىز! بىرلىك پەن ىنتىماقتىڭ ارقاسىندا ءبىز ءبىر كوماندا رەتىندە كەز كەلگەن بيىكتى باعىندىرا الاتىنىمىزعا سەنىمدىمىن»، – دەپ تۇيىندەدى ول.