پرەزيدەنت قاسىم-جومارت توقايەۆ پراۆوسلاۆ حريستياندارىن روجدەستۆو مەرەكەسىمەن قۇتتىقتادى، دەپ حابارلادى اقوردانىڭ رەسمي سايتى.
– بارشا پراۆوسلاۆ حريستياندارىن روجدەستۆو مەرەكەسىمەن شىن جۇرەكتەن قۇتتىقتايمىن!
بۇل مەيرام ىزگىلىك پەن مەيىرىمنىڭ، سۇيىسپەنشىلىك پەن جاقىن جاندارعا جاناشىرلىقتىڭ سان عاسىرلىق ءداستۇرىن دارىپتەيدى. قوعامداعى رۋحاني-ادامگەرشىلىك قۇندىلىقتار مەن كونفەسسياارالىق كەلىسىمدى نىعايتا تۇسەدى، – دەيدى مەملەكەت باسشىسى.
پرەزيدەنت پراۆوسلاۆ حريستياندارى باسقا دا ءدىن وكىلدەرىمەن بىرگە مەملەكەتىمىزدى دامىتۋعا جانە حالقىمىزدىڭ بەرەكە-بىرلىگىن ارتتىرۋعا زور ۇلەس قوسىپ جاتقانىن اتاپ ءوتتى.
– ءبىز بىرلەسىپ قازاقستاندى قازىرگىدەن دە قۋاتتى ەلگە اينالدىرامىز. بارىڭىزگە زور دەنساۋلىق، باق-بەرەكە، تولاعاي تابىس تىلەيمىن!
بۇگىنگى مەيرام شاتتىق پەن قۋانىش اكەلسىن!، – دەدى توقايەۆ.
پىكىر قالدىرۋ