بەلگىلى ايتىسكەر اقىن رينات زايىتوۆ دەپۋتات بولاتىنىنا ۋادە بەرسە، قاندايدا ءبىر پارتيا قۇرامىنا كىرەتىنىن مالىمدەدى. بۇل تۋرالى ول جۋرناليست نارتاي ارالباي ۇلىنىڭ يۋتۋب كانالىنا بەرگەن سۇحباتىندا ايتتى. 

– پارتيا قۇراتىن مۇمكىنشىلىگىم بولسا، دايىنمىن دەپ وتكەندە ايتتىم. ءقازىر مۇمكىنشىلىگىم جوق. ەكى ارالىقتا بوس جۇرمەۋ كەرەك، بازاردىڭ ايەلدەرى سياقتى وتىرىپ الىپ ايعايلاي بەرمەي ەڭبەك ەتۋ كەرەك. سول ەكى ارالىقتا قىزمەتتە وتىرمىن. ءبىزدىڭ قوعام دەموكراتيالىق قوعام بولۋى كەرەك. مەن ونى ءالى دە ايتا بەرەمىن.

پارتيا – حالىقتىڭ ءسوزىن سويلەپ، پارلامەنتكە بارۋ ءۇشىن ساياسي رەفورمالارعا وزگەرىس ەنگىزۋ ءۇشىن قۇرىلادى. بىزدەگى 6 پارتيادان قۇرامىنا شاقىرعاندار بولدى. ءبىراق مەنىڭ تالابىم – ولار مەنى پارتيا قۇرامىنان كورگىلەرى كەلسە، وندا دەپۋتات قىلۋى قاجەت. سوندا مەن بارامىن. ويتكەنى پارلامەنتكە ەلدىڭ ءسوزىن سويلەۋ ءۇشىن بارۋىم كەرەك، – دەپ ايتتى ايتىسكەر اقىن.