ايا ءومىرزاقوۆا ەسىمدى ازامات ءوزىن زورلاماق بولعان ۇلتتىق قاۋىپسىزدىك كوميتەتى قىزمەتكەرىنەن قۇتقارىپ قالعان ادامداردى ىزدەپ جاتقانىن ايتىپ، بەينەۇندەۋ جاريالادى.
بۇل – ايا ءومىرزاقوۆانىڭ كەزەكتى ۆيدەوۇندەۋى. بۇعان دەيىن ول ۇقك قىزمەتكەرى 2020 جىلى قىركۇيەكتىڭ 11-ىنەن 12-سىنە قاراعان ءتۇنى ءوزىن الماتى وبلىسى قاسكەلەڭ قالاسى جالپاقساي اۋىلىنىڭ ماڭىنداعى ەلسىز دالاعا اپارىپ كولىكتە زورلاماق بولعانىن ايتقان. كۇدىكتى جابىرلەنۋشىنى ۇرىپ-سوققان، "ولتىرەمىن" دەپ قورقىتقان. ءبىر مەزەتتە قىز كولىكتەگى ارپالىستان سىتىلىپ شىعادى. سول ساتتە ولارعا قاراي كولىك كەلە جاتتى. مۇنى كورگەن كۇدىكتى وقيعا ورنىنان قاشىپ كەتكەن. كەزدەيسوق كەلگەن كولىكتەن 3 جىگىت شىعىپ، قىزدى پوليسيا قىزمەتكەرلەرىنە تاپسىرعان. جابىرلەنۋشى ەندى سول 3 جىگىتتى ىزدەپ ءجۇر. ولار اتالعان جاعدايدى راستاۋ ءۇشىن قوزعالعان قىلمىستىق ىسكە كۋا رەتىندە قاجەت.
– ادىلدىك سالتانات قۇرۋى ءۇشىن سىزدەردىڭ ماعان بايلانىسقا شىققاندارىڭىز وتە كەرەك، – دەگەن ول وقيعا تۋرالى قاندايدا ءبىر دەرەك بىلەتىندەر بولسا الماتى وبلىسى پوليسيا دەپارتامەنتىنە حابارلاسۋدى ءوتىندى. دەپارتامەنت نومەرى: 8 (7282) 60 80 08
بۇگىندە قىلمىستىق كودەكستىڭ "زورلاۋ ارەكەتى" بابى بويىنشا تەرگەۋ جالعاسىپ جاتىر.
پوسموترەت ەتۋ پۋبليكاسيۋ ۆ Instagram
پىكىر قالدىرۋ