قىزىلوردا وبلىسىنىڭ توتەنشە جاعدايلار دەپارتامەنتى بايقوڭىردا جوعالعان ەكى ۇلدىڭ ءبىرىنىڭ دەنەسى سىرداريا وزەنىنەن تابىلعانىن حابارلادى.
دەپارتامەنتتىڭ مالىمەتىنە سۇيەنسەك، بۇگىن ەرحان اناستىڭ دەنەسى سىرداريا وزەنىنەن تابىلعان، ال ەكىنشى بالا – ءنۇرالى ورازبايەۆ ءالى ىزدەستىرىلۋدە.
– ىزدەۋ جالعاسۋدا. تاڭ اتىسىمەن رف جانە ق ر پوليسياسى ەرىكتىلەرمەن بىرگە توپتارعا ءبولىنىپ، قالانى ارالاۋعا كىرىستى. قازىرگى ۋاقىتتا قۇتقارۋشىلار وزەندى قاراپ جاتىر. پروكۋراتۋرا جانە تەرگەۋ كوميتەتىنىڭ رەسمي جاريالانىمدارىنان احۋالدى باقىلاۋدى سۇرايمىز جانە قۋاتتالماعان مالىمەتكە سەنبەۋگە شاقىرامىز، – دەدى بايقوڭىر قالاسىنىڭ پروكۋرورى نۇرجان راحمەتوۆ ءوزىنىڭ الەۋمەتتىك جەلىدەگى پاراقشاسىندا.
قازىرگى كەزدە اتالعان ءىس بويىنشا قىلمىستىق ءىس قوزعالدى، تەرگەۋ جۇمىستارى جۇرگىزىلۋدە. ءىس پروكۋروردىڭ ەرەكشە باقىلاۋىندا بولادى.
ەسكە سالا كەتەيىك، 20 اقپان كۇنى بايقوڭىر قالاسىندا سەگىز جاسار 2 بالا جوعالىپ كەتكەن بولاتىن.
پىكىر قالدىرۋ