ەلوردادا ءوتىپ جاتقان جەر رەفورماسى جونىندەگى كوميسسيا وتىرىسىندا جيىنعا قاتىسۋشى شەنەۋنىكتەردىڭ ءبىرى كوزىن جۇمىپ وتىرعانى ۆيدەوعا ءتۇسىپ قالدى.
كادردان قازاقستان فەرمەرلەر قاۋىمداستىعىنىڭ ءتوراعاسى جيگۋلي دايرابايەۆ ءسوز العاندا ونىڭ ارتىندا وتىرعان ادامنىڭ كوزى جۇمۋلى وتىرعانىن، ارا-اراسىندا عانا كوزى اشىلىپ، كەيىن قايتا جۇمىلىپ كەتە بەرەتىنىن كورۋگە بولادى.
ارتىنشا ۆيدەودان كوزى جۇمۋلى ادامدى جانىنداعىلار تۇرتكەنى، ول باسىن شايقاعانى، ارتىنشا قولىن كوتەرىپ، كەرىلگەنى كورىنەدى.
ازىرگە شەنەۋنىكتىڭ ءاتى-جونى، جيىندا قالعىپ-مۇلگىپ وتىردى ما، الدە تىڭداعاندا كوزىن جۇمىپ وتىراتىن ادەتى بار ما، ول جاعى بەلگىسىز.
شەنەۋنىكتىڭ كوزى جۇمىلىپ وتىرعان ءساتتى ۆيدەونىڭ 27 مينۋتىنان باستاپ كورۋگە بولادى.
قازاقستاندا جيىنعا قاتىسىپ وتىرعان شەنەۋنىكتەردىڭ كوزى جۇمىلىپ كەتەتىن جاعدايلار بۇعان دەيىن دە كەزدەسكەن. ەكس-دەپۋتاتتار قۋانىش سۇلتانوۆ پەن ۆلاديسلاۆ كوساريەۆ سونداي جاعدايعا تاپ بولعانداردىڭ ءبىرى.
پىكىر قالدىرۋ