اتىراۋ وبلىسى قۇرمانعازى اۋىلىندا 25 جاستاعى پوليسيا قىزمەتكەرى اسىلىپ قالعان، دەپ جازادى اق جايىق سايتى. ول تەڭىز پوليسيا بولىمىندە كەزەكشىنىڭ كومەكشىسى بولىپ قىزمەت ەتكەن.

پوليسەيدىڭ دەنەسى ستاديونداعى تۋرنيكتە اسىلىپ تۇرعان جەرىنەن تابىلعان. وقيعا بويىنشا قىلمىستىق كودەكستىڭ 105-بابى (ءوزiءن-وزi ءولتiرۋگە دەيiن جەتكiزۋ) بويىنشا ءىس قوزعاۋ ماسەلەسى قاراستىرىلىپ، سوتقا دەيىنگى تەرگەۋ ءجۇرىپ جاتىر.

باسىلىم بۇل اتىراۋ وبلىسىندا ناۋرىز ايىندا بولعان العاشقى پوليسەي قازاسى ەمەس ەكەنىن جازدى.

20 ناۋرىزدا ماحامبەت اۋدانى ورال ءوزىنىنىڭ بويىنان 25 جاستاعى پوليسەيدىڭ دەنەسى تابىلعان. مۇردە تابىلعان جەردە مارقۇمنىڭ كولىگى دە تۇرعان. اتالعان دەرەك بويىنشا تەرگەۋ ءجۇرىپ جاتىر.

ال 19 ناۋرىزدا باس پوليسيا باسقارماسىندا پسيحولوگ بولىپ ىستەگەن پوليسيا لەيتەنانتى ۇيىندە كوز جۇمعان. قايعىلى وقيعا پوليسەيدىڭ ۇيلەنۋ تويىنا ساناۋلى كۇن قالعاندا بولعان. اتىراۋ پوليسيا باسقارماسىنىڭ مالىمەتىنشە، قۇقىق قورعاۋ ورگانى قىزمەتكەرىنىڭ قازاسىنا سىرقات سەبەپ بولعان.