پارلامەنت ءماجىلىسىنىڭ جالپى وتىرىسىندا "قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى" زاڭ جوباسى ءبىرىنشى وقىلىمدا ماقۇلداندى. بۇل تۋرالى ءماجىلىستىڭ باسپا ءسوز قىزمەتى حابارلادى.
زاڭ جوباسى شەتەلدىكتەردىڭ، ازاماتتىعى جوق ادامداردىڭ، شەتەلدىك زاڭدى تۇلعالاردىڭ، شەتەلدىك ازاماتتاردىڭ قاتىسى بار زاڭدى تۇلعالاردىڭ، حالىقارالىق ۇيىمداردىڭ، حالىقارالىق ۇيىمداردىڭ قاتىسى بار عىلىمي ورتالىقتاردىڭ، سونداي-اق اۋىل شارۋاشىلىعى ماقساتىنداعى جەر ۋچاسكەلەرىن جەكەمەنشىك قۇقىعىمەن جانە ۋاقىتشا جەر پايدالانۋ قۇقىعىمەن قانداستاردىڭ يەلەنۋىنە تىيىم سالۋدى ەنگىزۋدى كوزدەيدى.
وسىعان بايلانىستى، جەر زاڭناماسىنان شەتەلدىك جەر پايدالانۋشىلارعا جانە شەتەلدىك قاتىسۋ ۇلەسى بار بىرلەسكەن كاسىپورىندارعا، سونداي-اق قانداستارعا اۋىل شارۋاشىلىعى جەرلەرىنە قۇقىقتار بەرۋ ماسەلەلەرىن رەگلامەنتتەيتىن قۇقىقتىڭ ماتەريالدىق نورمالار الىپ تاستالدى.
2016 جىلعى 1 شىلدەگە دەيىن جالعا بەرىلگەن اۋىل شارۋاشىلىعى ماقساتىنداعى جالعا الۋ شارتىنىڭ مەرزىمى اياقتالعانعا دەيىن قولدانىلادى.
پىكىر قالدىرۋ