دەنساۋلىق ساقتاۋ مينيسترلىگى 6 ساۋىردە 2586 ادامنان كوروناۆيرۋس انىقتالىپ، 15 ادام قايتىس بولعانىن حابارلادى. سونداي-اق 100 ناۋقاستان پنيەۆمونيا تابىلىپ، 5 ادام كوز جۇمعان.

8 ساۋىردەگى مالىمەت بويىنشا،  28 794 ناۋقاس كورونوۆيرۋستان، 861 ناۋقاس پنيەۆمونيادان ەمدىلىپ جاتىر. ولاردىڭ ىشىندە 10 828 پاسيەنت ستاسيوناردا، 18 827 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا 522 ادامنىڭ جاعدايى اۋىر، 151 پاسيەنتتىڭ جاعدايى وتە اۋىر، 87 ناۋقاس ءوجج اپپاراتىندا جاتىر.

كوروناۆيرۋستىڭ تارالۋى بويىنشا نۇر-سۇلتان، الماتى قالالارى مەن الماتى، اقتوبە، اتىراۋ جانە باتىس قازاقستان، قاراعاندى، اقمولا وبلىستارى "قىزىل" ايماقتا. شىمكەنت قالاسى، قىزىلوردا، پاۆلودار وبلىستارى "سارى" ايماقتا. قالعان بارلىق ءوڭىر "جاسىل" ايماقتا.

8 ساۋىردەگى جاعداي بويىنشا 239 040 ادام كوروناۆيرۋسقا قارسى ۆاكسينا سالعىزعان.