ءماجىلىس ءتوراعاسى نۇرلان نىعماتۋلين جاقسىلىقتىڭ جارشىسى اتانعان رامازان ايىنىڭ باستالۋىمەن بارشا قازاقستاندىقتاردى قۇتتىقتادى.
«بارشا مۇسىلمان قاۋىمىن قاسيەتتى رامازان ايىنىڭ باستالۋىمەن شىن جۇرەكتەن قۇتتىقتايمىن. ايلاردىڭ سۇلتانى سانالاتىن ورازا ايى - كەڭ پەيىلدىڭ، بەرەكە-بىرلىكتىڭ جانە ىزگىلىكتىڭ، ىنتىماق پەن مەيرىمدىلىكتىڭ كورىنىسى. شاراپاتى مەن شاپاعاتى مول اي حالىقتى جاناشىر بولۋعا، قايىمدىلىق جاساپ، بىر-بىرىنە كومەكتەسۋگە شاقىرادى. وسى بەرەكەسى مەن بىرلىگى جاراسقان رامازان ايىندا جاساعان يگى امالدارىڭىز، بارلىق دۇعا-تىلەكتەرىڭىز جانە ىقىلاسپەن ۇستاعان ورازالارىڭىز قابىل بولسىن،» - دەدى نۇرلان نىعماتۋلين.
سونىمەن قاتار، ءماجىلىس ءتوراعاسى بارلىق قازاقستاندىقتاردى بىرىكتىرە تۇسەتىن وسىنداي قاسيەتتى ايدا ءاربىر ازاماتقا رۋحاني كۇش-جىگەر، ءاربىر وتباسىنا باق-بەرەكە، اماندىق ەلىمىزگە تىنىشتىق جانە وركەنيەت تىلەدى.
ءماجىلىستىڭ باسپا ءسوز قىزمەتى
پىكىر قالدىرۋ