كولىكتەگى باس مەملەكەتتىك سانيتار دارىگەر جانار ورازالينانىڭ جاڭا قاۋلىسى جاريالاندى.

قاۋلىعا سايكەس، "قىزىل" ايماقتاعى وڭىرلەردە شىعارىپ سالۋشىلار مەن كۇتىپ الۋشىلاردى تەمىرجول ۆوكزالى مەن اۋەجايعا كىرگىزۋ شەكتەلەدى.

"تاۋەكەلى جوعارى ءقاۋىپتى ("قىزىل ايماق") وڭىرلەرىندەگى اۋەجايلار عيماراتتارىنا/تەمىرجول ۆوكزالدارىنا كۇتىپ الۋشىلار جانە شىعارىپ سالۋشىلاردى كىرگىزۋدى شەكتەۋ قامتاماسىز ەتسىن" دەلىنگەن قۇجاتتا.

قاۋلى 15 ساۋىردەن باستاپ كۇشىنە ەنەدى.

كوروناۆيرۋس ينفەكسياسى بويىنشا قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، نۇر-سۇلتان، الماتى، شىمكەنت قالالارى مەن اتىراۋ، اقتوبە، اقمولا، الماتى، باتىس قازاقستان، قاراعاندى وبلىستارى "قىزىل" ايماقتا تۇر.

شىعىس قازاقستان، جامبىل، قىزىلوردا، پاۆلودار، سولتۇستىك قازاقستان، ماڭعىستاۋ وبلىستارى "سارى" ايماقتا.

"جاسىل" ايماقتا قوستاناي مەن تۇركىستان وبلىستارى تۇر.