پرەزيدەنت قاسىم-جومارت توقايەۆ كورنەكتى اقىن ەسەنعالي راۋشانوۆتىڭ قازاسىنا بايلانىستى ونىڭ وتباسىنا كوڭىل ايتتى.
بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي الەۋمەتتىك جەلىدەگى پاراقشاسىندا حابارلادى.
"ەسەنعالي ءابدىجاپپار ۇلى ءبىرقاتار گازەت-جۋرنالداردا قىزمەت جاساپ، رۋحاني-مادەني سالانىڭ وركەندەۋىنە ۇلەس قوستى. شيرەك عاسىرداي ۋاقىت بويى "جازۋشى" باسپاسىنىڭ ديرەكتورى بولىپ، قازاق ادەبيەتىنىڭ قۇندى دۇنيەلەرىنىڭ جارىققا شىعىپ، حالىققا كەڭ تارالۋى جولىندا مول ەڭبەك ءسىڭىردى.
اقىن رەتىندە قازاق پوەزياسىندا وزىندىك قولتاڭباسىن قالدىردى. ءور رۋحتى ولەڭدەرى مەن پوەمالارى وقىرماندار تاراپىنان جوعارى باعاسىن الدى. مارقۇمنىڭ جانى ءجانناتتا، يمانى سالامات بولسىن، – دەلىنگەن جەدەلحاتتا.
پىكىر قالدىرۋ