قاراعاندى وبلىسىنىڭ باس سانيتار دارىگەرى يۋ. ل. زالىگين كارانتين تۋرالى №2 قاۋلىسىنا وزگەرىستەر مەن تولىقتىرۋلار ەنگىزدى.

قاۋلىعا سايكەس: 

• 300 وقۋشىعا دەيىنگى كونتينگەنتى بار، سىنىپتاعى بالالار سانىن 25 ادامنان اسىرماي قالالىق جانە اۋىلدىق مەكتەپتەردە وقۋشىلار ءداستۇرلى فورماتتا وقىتىلادى.
• ءبىلىم بەرۋ ۇيىمى اكىمشىلىگىنىڭ شەشىمى بويىنشا ساباقتان تىس ۋاقىتتا 10 ادامنان اسپايتىن توپتاردا وقۋشىلاردى جەكە وقىتۋعا رۇقسات. بۇل رەتتە قاراعاندى، تەمىرتاۋ، ساران، بالقاش، شاحتينسك، پرويزەرسك، جازقازعان، ساتپايەۆ قالالارىندا جانە اباي، نۇرا، وساكاروۆ اۋداندارىندا الەۋمەتتىك قاشىقتىق، شاحماتتىق تارتىپپەن وتىرعىزۋ جانە ماسكا رەجيمى ساقتالىپ، توپتاردا بالالار سانى 5 ادامنان اسپاۋعا ءتيىس؛
• ءبىتىرۋشى سىنىپتار اپتانىڭ 6 كۇنى ىشىندە ارالاس فورماتتا وقىتىلادى (9، 11 (12) سىنىپتار): پاندەردىڭ 70 پايىزى شتاتتىق رەجيمدە، 30 پايىزى قاشىقتان وقىتىلادى (سىنىپتا بالا سانى 15-تەن اسپاۋ)؛
• قاراعاندى، تەمىرتاۋ، ساران، بالقاش، شاحتينسك، پرويزەرسك، جازقازعان، ساتپايەۆ قالالارىندا جانە اباي، نۇرا، وساكاروۆ اۋداندارىندا مەكتەپالدى سىنىپتىڭ وقۋشىلارى 1-5 سىنىپتاردى قوسا العاندا، جالپى ءبىلىم بەرەتىن مەكتەپتەردە 1-7 سىنىپتى قوسا العاندا، حالىقارالىق مەكتەپتەر قاشىقتان وقىتۋ فورماتىنا كوشەدى.

اتالعان قاۋلى قول قويىلعان كۇنىنەن باستاپ كۇشىنە ەنەدى.