قازاقستان مۇسىلماندارى ءدىني باسقارماسى ەلدەگى پاندەميالىق جاعدايعا بايلانىستى ءقادىر تۇنىندە مەشىتتە ورىندالاتىن ءدىني راسىمدەر ونلاين رەجىمدە وتەتىنىن حابارلادى.
"ەلدەگى جانە الەمدەگى كوپتەگەن قوعامدىق ءىس-شارالار مەن جيىندار ونلاين رەجيمدە وتۋدە. ونىڭ باستى سەبەبى پاندەميالىق جاعدايدى ودان سايىن كۇردەلەندىرمەۋ ەكەنى بەلگىلى. ويتكەنى، جۇقپالى دەرتپەن وقشاۋلانۋ ارقىلى عانا كۇرەسۋدىڭ ماڭىزى كۇن سايىن ارتۋدا. الەمدىك تاجىريبەدە كوروناۆيرۋسپەن كۇرەسۋدىڭ وقشاۋلانۋ ءتاسىلى وڭ ناتيجەسىن بەرىپ جاتقانىن جاقسى بىلەمىز. وسى رەتتە ءقادىر ءتۇنى ۇيدە وتكىزىلەدى. حالىقتىڭ دەنساۋلىعى مەن ءومىرى بارىنەن قىمبات قۇندىلىق بولعاندىقتان، وسىنداي ۋاقىتشا شەشىمدى دۇرىس قابىلداۋلارىڭىزدى جانە تارتىپكە باعىنۋلارىڭىزدى سۇرايمىز" دەلىنگەن حابارلامادا.
سونىمەن قاتار قمدب ءقادىر تۇنىندە وتاندىق تەلەارنالار مەن "حالىق ارنا"، "حيكمەت تۆ" جانە muftyat.kz سايتىنىڭ الەۋمەتتىك جەلىدەگى پاراقشالارىندا ارنايى ونلاين باعدارلاما ۇيىمداستىرالاتىنىن ءمالىم ەتتى.
پىكىر قالدىرۋ