قازاقستاندىق Forbes جۋرنالى ونىنشى جىل قاتارىنان قازاقستاننىڭ باي 50 بيزنەسمەنىنىڭ ءتىزىمىن جاريالادى. بۇل جولى 60 ادامنىڭ ىشىنەن 50 كاسىپكەر ىرىكتەلىپ الىنعان. رەيتينگ قاتىسۋشىلارىنىڭ بايلىعىن باعالاۋدا يەلىك ەتەتىن اكتيۆتەرىنىڭ جيىنتىق قۇنى نەگىزگە الىنعان.
ءتىزىمدى 60 جاستاعى ۆلاديمير كيم باستاپ تۇر. ونىڭ بايلىعى – $4 700 000 000. مەدالل ءوندىرىسى، قارجى سالاسىمەن اينالىسادى. KAZ Minerals، قازاقمىس سەكىلدى ءىرى كومپانيالاردىڭ اكسياسىنىڭ باسىم كوپشىلىگىنە يەلىك ەتەدى. بايلىعى ءبىر جىلدا 600 ملن دوللارعا ارتقان. الەمدەگى باي ادامدار تىزىمىندە 494-ورىنعا جايعاسقان.
ەكىنشى ساتىدا $4 200 000 000 بايلىعى بار ۆياچەسلاۆ كيم يەلەنگەن. 51 جاستا. ول بىلتىر بۇل ءتىزىمنىڭ 8-ساتىسىندا بولعان. كاسىپكەر Kaspi.kz دەپوزيت اكسيالارىنىڭ 25 پايىزىنا، السەكو اكسيونەرلىك قوعامىنا يەلىك ەتەدى. "استانا-ەرس" كومپانياسىندا ەنشىسى بار.
ۇزدىك ۇشتىكتى Kaspi.kz اكسيونەرلىك قوعامىنىڭ باسقارما ءتوراعاسى، گرۋزيا ازاماتى ميحايل لومتادزە تۇيىندەگەن. 45 جاستا. وعان بانك اكسيالارىنىڭ 23 پايىزى تيەسىلى.
4. بولات وتەمۇراتوۆ. 63 جاستا. بايلىعى – $3 500 000 000. ءبىر جىلدا كاپيتالى $700 ملن دوللارعا ارتقان. وعان "ForteBank" اكسيونەرلىك قوعامىنىڭ 87،27 پايىزى تيەسىلى. "ۆەرنىي كاپيتال" توبى ارقىلى قازاقستان مەن قىرعىزستانداعى "بيلاين" ۇيالى بايلانىس وپەراتورىنا، نۇر-سۇلتان، ۆەنا مەن ماسكەۋ قالالارىنداعى Ritz-Carlton قوناقۇيلەرىنە، بۋرابايداعى Rixos Borovoe قوناقۇيىنە، قازاقستانداعى Burger King فرانشيزاسىنا، Global Development كومپانياسى، قاراعاندىداعى سارى-ارقا اۋەجايىنىڭ بولىگىنە، Informburo.kz ينتەرنەت پورتالىنا، "31 كانال" (80%) جانە تاعى سول سياقتى كوپتەگەن كومپانيالارگە يەلىك ەتەدى.
5-6 تيمۋر مەن دينارا قۇلىبايەۆتار. قازاقستاننىڭ تۇڭعىش پرەزيدەنتى ن.نازاربايەۆتىڭ كۇيەۋ بالاسى مەن ۇلكەن قىزى. ءارقايسىسىنىڭ بايلىعى – $2 900 000 000. تيمۋر قۇلىبايەۆتىڭ اتىندا ەنشىلەس كوپتەگەن كومپانيالاردى بىرىكتىرەتىن سينگاپۋرلىق Steppe Capital Pte Ltd كومپانيالار توبى، "كيپروس" حولدينگى، قازاقستاندا جانە شەتەلدە كوممەرسيالىق جىلجىمايتىن مۇلىكتى ارەنداعا بەرەتىن "Mercury Properties" ج ش س،"المەكس" حولدينگى بار.
الەۋمەتتىك جەلى مەن باسپا ءسوز بەتتەرىندە ەسىمدەرى ءجيى ايتىلاتىن كاسىپكەرلەر نۇرلان سماعۇلوۆ ($710 000 000) 11-ساتىدا، ايدىن راحيمبايەۆ ($610 000 000) 13-ساتىدا، نۇرسۇلتان نازاربايەۆتىڭ ەكس-قۇداسى قايرات بورانبايەۆ ($590 000 000) 14-ساتىدا تىزىمدە ورنالاسقان. مەملەكەتتىك قىزمەتتەن بيزنەسكە كەتكەن نازاربايەۆتىڭ جيەنى نۇرالي الييەۆ ($195 000 000) تىزىمدە – 31-ساتىدا. 2013 جىلى قازاقستاننىڭ ەڭ باي 50 ادامىنىڭ ىشىندە 13-ساتىدا تۇرعان داريعا نازاربايەۆا ($595 000 000) بىرنەشە جىلدان بەرى Forbes جۋرنالى تىزىمىنە ەنبەي كەلەدى.
بيىلعى باي ادامدار قاتارىنا كاسىپكەر مارعۇلان سەيسەمبايدىڭ ($128 000 000) اۋلەتى قوسىلعان.
پىكىر قالدىرۋ