قازاقستاندا جىل باسىنان بەرى ءتىلسىز جاۋدىڭ سالدارىنان 29 بالا قايتىس بولدى. بۇل تۋرالى توتەنشە جاعدايلار ءمينيسترى يۋريي يلين حالىققا ەسەپ بەرۋ كەزدەسۋىندە مالىمدەدى.
مينيستر كارانتين ۋاقىتىندا بالاباقشا جۇمىسىنىڭ شەكتەلۋىنە بايلانىستى بۇلدىرشىندەردىڭ كوبى ۇيدە وتىرعانىن، جىلىتۋ ماۋسىمىندا 29 بالا اجال قۇشىپ، ونىڭ 13ء-ى اتا-انا قاراۋىنسىز قالعانىن ايتتى.
– پراكتيكا كورسەتىپ وتىرعانداي كوپ جاعدايدا قايعىلى جاعداي اتا-انا نەمەسە ەرەسەكتەر ۇيدە جوق كەزدە بولادى، – دەدى يۋريي يلين.
يۋريي يلين نۇر-سۇلتان مەن تۇركىستاندا بولعان قايعىلى وقيعادان ءبۇتىن ءبىر وتباسى زارداپ شەككەنىن اتاپ ءوتتى.
– بارلىعى دا تولىق وتباسى بولدى. الايدا بالالاردى از ۋاقىتقا جالعىز قالدىرۋدىڭ ارتى تراگەدياعا اكەپ سوعۋى مۇمكىن. سول سەبەپتى بالالارمەن ءتۇسىندىرۋ جانە تاربيە جۇمىسىن وتكىزۋ كەرەك. بالالاردى قاراۋسىز قالدىرماڭىزدار، – دەدى ۆەدومستۆو باسشىسى.
پىكىر قالدىرۋ