رەسەيدىڭ پەرم ولكەسىندە مەكتەپ وقۋشىسى مۇعالىمگە ناشار باعا قويعانى ءۇشىن پىشاقپەن شابۋىل جاسادى دەپ حابارلادى Life shot تەلەگرام كانالى.
اقپارات رەسۋرسى مالىمەتشە، وقيعا فيزيكا ءپانى ساباعىندا بولعان. تومەنگى باعا ءۇشىن 10-سىنىپ وقۋشىسى مەن ءمۇعالىم اراسىندا جانجال باستالىپ، ناتيجەسىندە 16 جاستاعى رومان دولبەيەۆ ەسىمدى وقۋشى 74 جاستاعى ءمۇعالىمى ليۋدميلا يشمەنيەۆانىڭ موينىنا ەكى رەت جانە كەۋدەسىنە ءبىر رەت پىشاق سۇعىپ الادى.
كۇدىكتى جاسىرىنۋعا تىرىسپاعان. سوندىقتان قۇزىرلى ورگان وكىلدەرى ونى بىردەن ۇستاعان. ال ءمۇعالىم ءقازىر اۋرۋحانادا جاتىر. دارىگەرلەر ونىڭ ومىرىنە ەشقانداي ءقاۋىپ ءتانىپ جوق ەكەنىن ايتقان. وقۋشى مەكتەپكە پىشاق الىپ كىرەردە، سومكەسىن كۇزەتتەن جاسىرىپ قويعان.
بەلگىلى بولعانداي، كۇدىكتى فيزيكا مۇعالىمىنە توقساندىق باعا رەتىندە 2 قويامىن دەگەنى ءۇشىن وسىنداي قادامعا بارعان.
پىكىر قالدىرۋ