جۋرناليستەرگە ارنالعان بىرنەشە بايقاۋ جاريالاندى.

ءماجىلىس بۇگىننەن باستاپ "پارلامەنت ءسوزى" سىيلىعىنا ۇمىتكەرلەردەن ءوتىنىم قابىلداۋدى باستالاتىنىن حابارلادى.

ارنايى سىيلىق 2016 جىلى العاش تاعايىندالعان. سىيلىققا پالاتا­نىڭ زاڭ شىعارۋشىلىق قىز­مەتى جايىندا 2020 جىلدىڭ قىر­كۇيەگى مەن 2021 جىلعى 15 ماۋسىم ارالىعىندا جاريالانعان جانە ەفيرگە شىققان ماتەريالدار قابىلدانادى. جەڭىمپازدار ءماجى­ءلىستىڭ قىزمەتى تۋرالى ۇزدىك تەليەۆيزيالىق، مەرزىمدىك باسپا ءسوز، عالامتور مەن راديوماتەريالدار، سونىمەن بىرگە، فوتو جانە بەي­نە-ماتەريالدار بويىنشا انىق­تالادى. سونداي-اق قازاقستانداعى پارلامەنتتىك جۋرناليستيكانى دامىتۋعا قوسقان ۇلەسى ءۇشىن نوميناسياسى دا اتالىپ وتىلەدى. 

وتىنىمدەر 2021 جىلعى 18 ماۋ­سىمعا دەيىن قابىلدانادى. ققورىتىندىلاۋ جانە سىيلىق جەڭىمپازدارىن انىقتاۋ جۋرناليستەردىڭ كاسىبي مەرەكەسى – بۇقارالىق اقپارات قۇرالدارى قىزمەتكەرلەرى كۇنى قارساڭىندا وتەدى.

قوسىمشا اقپاراتتى ءماجىلىستىڭ www.parlam.kz رەسمي سايتىنان الۋعا بولادى.

ال "Nur Otan" پارتياسى جۋرناليستەر اراسىندا جىل سايىن وتەتىن "Nur Suńqar" رەسپۋبليكالىق بايقاۋىنىڭ باستالعانى تۋرالى حابارلادى.

جەڭىمپازدار 8 اتالىم بويىنشا انىقتالادى. سونىمەن قاتار كازاقستان تاۋەلسىزدىگىنىڭ 30 جىلدىعىنا وراي "تاۋەلسىزدىك تاعىلىمى" اتتى جاڭا نوميناسيا بەلگىلەنگەن.

بايقاۋعا ەلدىڭ قوعامدىق-ساياسي تاقىرىپتاعى، ەكونوميكالىق، رۋحاني جاڭعىرۋ جانە پارتيانىڭ باعدارلامالىق قۇجاتتارى مەن جوبالارىن ىسكە اسىرۋعا ارنالعان، سونداي-اق پارتيا مەن ونىڭ ليدەرى ن.ءا. نازاربايەۆتىڭ قىزمەتى جايلى ماتەريالدار قابىلدانادى.

بايقاۋ شارتى بويىنشا 2020 جىلدىڭ 1 قىركۇيەگى مەن 2021 جىلدىڭ  18 ماۋسىمى ارالىعىندا جارىق كورگەن ءارتۇرلى جانرداعى: وچەرك، سۇحبات، ماقالا، تەلە جانە راديوحابار، جۋرناليستىك زەرتتەۋ ماتەريالدارى قابىلدانادى.

بايقاۋ جۇمىستارى مەملەكەتتىك جانە ورىس تىلىندە تاپسىرىلادى. وتىنىشتەر 2021 جىلدىڭ 20 مامىرى مەن 18 ماۋسىمى ارالىعىندا نۇر-سۇلتان ۋاقىتىمەن ساعات 19:00-گە دەيىن قابىلدانادى.

جەڭىمپازدار 8 اتالىم بويىنشا انىقتالادى:

1. "تەليەۆيزيا ۇزدىگى" – ۇزدىك تەليەۆيزيالىق جۋرناليست؛
2. "ۇشقىر قالام" – ۇزدىك گازەت ءجۋرناليسى؛
3. "QazNet ۇزدىگى" – ينتەرنەت باسىلىمنىڭ ۇزدىك ءجۋرناليسى؛
4. "ەلباسى سالعان سارا جول" – ەلباسى قىزمەتىن جاريالاعانى ءۇشىن؛
5.  "پارتيا جارشىسى" – پارتيا تۋرالى ۇزدىك ماتەريال؛
6. "بلوگوسفەرا ۇزدىگى" – الەۋمەتتىك جەلىدەگى ۇزدىك جاريالانىم؛
7.  "YouTube ۇزدىگى" – ۇزدىك YouTube ارناسى؛
8. "تاۋەلسىزدىك تاعىلىمى" – تاۋەلسىزدىكتىڭ 30 جىلدىعىن جاريالاعان ءۇشىن.

جەڭىمپازدار بۇقارالىق اقپارات قۇرالدارى قىزمەتكەرلەرىنىڭ كۇنى قارساڭىندا ماراپاتتالادى. بايقاۋ جەڭىمپازدارىنا اقشالاي جۇلدە مەن باعالى سىيلىقتار تابىستالادى.

بايقاۋ ەرەجەسىمەن پارتيانىڭ سايتىنان تانىسۋعا بولادى. ال ماتەريالداردى ۇيىمداستىرۋ كوميتەتىنىڭ nursunqar2021@nurotan.kz ەلەكتروندى پوشتاسىنا جولداي الاسىز. قوسىمشا سۇراقتار بويىنشا  8 747 772 72 37 نومىرىنە ەلميرا جانتەميروۆاعا حابارلاسۋعا بولادى.

سونىمەن قاتار جالپى ەرەجەلەر الماتى قالاسى ءدىن ىستەرى جونىندەگى باسقارماسى مەن "Social Development Center" قوعامدىق قورى ءدىن سالاسىنا قاتىستى جۋرناليستەر اراسىندا باي̆قاۋ جاريالادى.

باي̆قاۋ جۇرتشىلىق نازارىن ءدىن سالاسىنداعى مەملەكەتتىك ساياساتتىڭ وزەكتى ماسەلەلەرىنە اۋدارۋ، بۇقارالىق اقپارات قۇرالدارى ارقىلى تۇرعىنداردى مەملەكەتتىك ساياساتتىڭ ءدىن سالاسىنداعى ءارتۇرلى باعىتتارى، قوعامداعى كونفەسسياارالىق كەلىسىمنىڭ نىعايتىلۋى جانە ساقتالۋىنا باعىتتالعان ماڭىزدى ءىس-شارالار جونىندە حاباردار ەتۋدى كوزدەيدى.

بايقاۋعا جەرگىلىكتى بۇقارالىق اقپارات قۇرالدارىنىڭ جۋرناليستەرى، الماتىدا جۇمىس ىستەيتىن رەسپۋبليكالىق بۇقارالىق اقپارات قۇرالدارىنىڭ تىلشىلەرى، سونداي-اق الماتىدا تىركەلگەن ساراپشى عالىمدار مەن تاۋەلسىز پۋبليسيستەر قاتىسا الادى.

بايقاۋعا قاتىسۋ ءۇشىن بەرىلگەن تاقىرىپقا سايكەس كەلەتىن ەرەكشە اۆتورلىق جۇمىستار قابىلدانادى.

بايقاۋعا كەز كەلگەن ءدىني اعىمدار مەن كوزقاراستاردى ناسيحاتتايتىن، ءدىنارالىق، ەتنوسارالىق ارازدىقتى قوزدىراتىن، ءدىني ەكسترەميزم يدەيالارىن جانە سوت شەشىمى بويىنشا ەكسترەميستىك دەپ تانىلعان، قازاقستاندا تىيىم سالىنعان ۇيىمداردىڭ يدەيالارىن ناسيحاتتايتىن جۇمىستار قابىلدانبايدى.

ءبىر اۆتوردان نەمەسە اۆتورلار ۇجىمىنان بەرىلەتىن جۇمىستاردىڭ سانى شەكتەلمەگەن.

باي̆قاۋ جۇمىستارى قازاق جانە ورىس تىلدەرىندە قابىلدانادى.

ءبىر اۆتور بىرنەشە نوميناسيا بويىنشا قاتىسا الادى.

بايقاۋ جۇمىستارىن ىرىكتەۋ 2021 جىلعى 1 ساۋىردەن 1 قازانعا دەيىن جۇرگىزىلەدى.  2-14 قازان ارالىعىندا باعالاۋ. 15-30 قازان كۇندەرى ماراپاتتاۋ ءراسىمى وتەدى دەپ جوسپارلانعان.

بايقاۋ نوميناسيالارى:

• ەڭ ۇزدىك تەليەۆيزيا جانرى؛
• مەرزىمدى باسپاسوزدەگى قازاق تىلىندەگى ەڭ ۇزدىك پۋبليسيستيكالىق ماقالا؛
• مەرزىمدى باسپاسوزدەگى ورىس تىلىندەگى ەڭ ۇزدىك پۋبليسيستيكالىق ماقالا؛
• ينتەرنەت-رەسۋرستاعى قازاق تىلىندەگى ەڭ ۇزدىك ماقالا؛
• ينتەرنەت-رەسۋرستاعى ورىس تىلىندەگى ەڭ ۇزدىك ماقالا؛
• ينتەرنەت جەلىسىندەگى ەڭ ۇزدىك بەينەروليك؛
• ەڭ بەلسەندى بلوگەر؛
• ينتەرنەت-رەسۋرستاعى دەسترۋكتيۆتى جانە راديكالدى ءدىني ۇيىمدار يدەولوگياسىن ديسكرەديتاسيالاۋعا باعىتتالعان قازاق جانە ورىس تىلدەرىندەگى ۇزدىك ماقالا.

بايقاۋ تاقىرىپتارى:

• ۇلتتىق داستۇرلەر مەن زاي̆ىرلى مەملەكەت قۇندىلىقتارىن تاراتۋ؛
• كونفەسسياارالىق كەلىسىم مەن تولەرانتتىلىقتى نىعاي̆تۋ؛
• حالىقتىڭ ءدىني جانە قۇقىقتىق ساۋاتتىلىعىن كوتەرۋ؛
• ءدىني ەكسترەميزمنىڭ جانە دەسترۋكتيۆتى ءدىني توپتاردىڭ الدىن-الۋ، ولاردىڭ يدەولوگياسىنىڭ زيانىن ايقىنداۋ.
• دەسترۋكتيۆتى جانە راديكالدى ءدىني ۇيىمدار يدەولوگياسىن ديسكرەديتاسيالاۋ

ءار نوميناسيا بويىنشا جەڭىمپاز كەم دەگەندە 150 000 تەڭگە كولەمىندەگى باعالى سىيلىقپەن ماراپاتتالادى. سونىمەن قاتار 8 ىنتالاندىرۋ سىيلىعى قاراستىرىلعان. وتىنىشتەردى www.baiqau2021.kz سايتىندا كورسەتىلگەن ءتيىستى ساۋالنامانى تولتىرۋ ارقىلى جىبەرۋگە بولادى.