ولاردىڭ جوعالعانى تۋرالى حابارلاما 112 پۋلتىنە 2021 جىلعى 25 مامىردا ساعات 18:30-دا كەلىپ تۇسكەن. 21 مامىردا تۋريستەر "سارى-ايعىر" شاتقالىنا جاياۋ بەت العان. قۇتقارۋشىلارعا حابارلاسقان ادامنىڭ ايتۋىنشا، ولار 24 مامىردا ۇيگە  ورالۋى كەرەك ەدى.

تجم رەسمي وكىلى تالعات ءۋاليدىڭ ايتۋىنشا، وتكەن تاۋلىكتە ىزدەستىرۋ توپتارى 37 شاقىرىمعا جۋىق تاۋلى ايماقتى جاياۋ ارالاپ، ەكى پيلوتسىز ۇشۋ اپپاراتى ارقىلى 4 شاقىرىم راديۋستا ۇشۋ جۇرگىزىلگەن.

– ىزدەستىرۋ جۇمىستارىنا تۇركىستان وبلىسى تج دەپارتامەنتىنىڭ 25 قۇتقارۋشىسى، 2 كۆادراكوپتەرى جانە 7 تەحنيكاسى جۇمىلدىرىلدى. سونداي-اق پوليسيا دەپارتامەنتىنىڭ 4 قىزمەتكەرى مەن 1 تەحنيكاسى، جەرگىلىكتى اتقارۋشى ورگانداردىڭ 2 قىزمەتكەرى مەن 1 تەحنيكاسى، ۇقك شەكارا قىزمەتىنىڭ 3 ات ءپاترۋلى، ۇلتتىق پاركتىڭ 10 قىزمەتكەرى مەن جوعالعانداردىڭ تۋىستارى ىزدەستىرۋگە اتسالىسۋدا. اۋا رايىنىڭ قولايسىزدىعىنا (تۇمان، الا بۇلت، تاۋلى جەرلەردەگى نايزاعاي) بايلانىستى «قازاۆياقۇتقارۋ» اق تىكۇشاعىن شىمكەنت قالاسىنان اۋەگە كوتەرۋ مۇمكىن ەمەس، – دەيدى ول.