ەپيدەميولوگيالىق جاعدايlى باعالاۋ ماتريساسىنا سايكەس الماتى قالاسى ءالى دە "قىزىل" ايماقتا تۇر. بۇل تۋرالى قالانىڭ باس سانيتار دارىگەرى جانداربەك بەكشين ونلاين باسپاسوز-كونفەرەنسيا بارىسىندا ايتتى.
– قالاداعى ەپيدەميولوگيالىق جاعداي ءالى قاۋىرت كۇيدە قالىپ وتىر. 26 مامىرداعى ەپيدەميولوگيالىق جاعدايدى باعالاۋ ماتريساسىندا الماتى قالاسى ءالى دە كوروناۆيرۋستىڭ "قىزىل" ايماعىندا. مامىر ايىنىڭ سوڭعى اپتاسىندا جاعداي تۇراقتالىپ، اۋرۋدى جۇقتىرۋ فاكتىسى تومەندەۋى بايقالادى. ساۋىردە 700 جاعداي، ال وتكەن تاۋلىكتە 290-300 جاعداي تىركەلدى. سيمپتوماتيكالىق ناۋقاستاردىڭ ءوسۋى باياۋلادى: مامىر ايىنىڭ ورتاسىندا 98%-دان 88%-عا ازايدى، – دەدى بەكشين.
ول بيىلعى جىلدىڭ 9 ناۋرىزىندا باستالعان COVID-19 مۋتاسيالانعان شتامدارى تۋدىرعان كوروناۆيرۋستىڭ ءۇشىنشى تولقىنىنىڭ تومەندەۋى كەلەسى العىشارتتارعا بايلانىستى ەكەنىن جەتكىزدى:
- ينفەكسيانىڭ تارالۋىن مەكەمەلەردە جانە قوعامدا قابىلدانعان شەكتەۋ شارالارىمەن شەكتەۋ؛
- قالادا شامامەن 20 پايىزدىق يممۋندىق قاباتتىڭ پايدا بولۋى (ۆاكسيناسيادان 14،8% + سوڭعى 6 ايدا قالپىنا كەلگەندەردىڭ 5%)
– سوڭعى ەكى اپتادا ناۋقاستاردىڭ جاس قۇرامىن تالداۋ ناتيجەسىندە COVID-19-عا قارسى يممۋنداۋمەن بايلانىستى كەيبىر وزگەرىستەر انىقتالدى. 40-59 جاستاعى جانە 60 جاستان اسقان ازاماتتار اراسىندا اۋرۋ ازايدى.
قۇرمەتتى قالا تۇرعىندارى، ۆاكسيناسيا – ەپيدەميولوگيالىق جاعدايدى تۇراقتاندىرۋدىڭ جانە شەكتەۋ ىس-شارالارىمەن قاتار، حالىقتىڭ قالىپتى ومىرىنە ورالۋدىڭ جالعىز ءتيىمدى ءتاسىلى بولىپ قالا بەرەدى. وسى ماقساتقا جەتۋ ءۇشىن بارلىق بولىمدەر مەن تۇرعىنداردىڭ كەلىسىمى قاجەت، – دەپ اتاپ ءوتتى باس سانيتار دارىگەر.
پىكىر قالدىرۋ