"Mad MEN" مۋزىكالىق توبىنىڭ مۇشەلەرىنە ۇيىمداسقان قىلمىستىق توپ قۇرۋ جانە وعان قاتىسۋ ايىپتارى تاعىلدى، – دەپ حابارلادى Polisia.kz.

الماتى پوليسياسى تۇراقتى ەسىرتكى جەلىسىن ءبىر اي بۇرىن جويعانىن، ونىڭ قۇرامىندا 21 جاستان 30 جاسقا دەيىنگى 10 ادام بارىن اتاپ ءوتتى.  توپتى – 1994 جىلى تۋعان ح. ەسىمدى ەر ادام باسقارعان.

– ەسىرتكى قىلمىسىنا قارسى كۇرەس باسقارماسى قىزمەتكەرلەرىنىڭ كوزىنە ح. ەسىمدى ەر ادام 2020 جىلدىڭ قىركۇيەگىندە تۇسكەن. قولدا بار جەدەل مالىمەتتەرگە سايكەس، توپتاعى ادام ءبىر جىل بويى الماتىدا سينتەتيكالىق ەسىرتكىنى وندىرۋمەن جانە ساتۋمەن اينالىسقان. ح. ەسىمدى ەر ادام جانە ونىڭ "كومەكشىلەرىنىڭ" قىلمىستىق ارەكەتتەرى رەسمي تۇردە قۇجاتتالدى. ونىڭ ءار كومەكشىسىنىڭ رولدەرى ناقتى تاعايىندالعان. مىسالى، لوگيستيكالىق كومپانيا ارقىلى رەسەي فەدەراسياسىنان سينتەتيكالىق ەسىرتكى زاتتارىن وندىرۋگە ارنالعان كومپونەنتتەردى جەتكىزۋگە ءۇش ادام جاۋاپ بەردى، ولاردىڭ ءبىرى قىز بالا، ەكى جاس جىگىت – كاسسير ءارى، وتىنىمدەر قابىلداۋعا جانە ەسىرتكىنى قويىپ كەتەتىندەرگە جاۋاپ بەردى، تاعى ءتورت ەر ادام – ەسىرتكى قويۋشىلار، قالانىڭ ناۋرىزباي، بوستاندىق جانە الاتاۋ اۋداندارىندا جۇرگەن، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.

ءىستى تەرگەۋ بارىسىندا ونىڭ قاتىسۋشىلارىنا ق ر قك-نىڭ 262-بابى، 1-بولىگى مەن 2-بولىگىندە كوزدەلگەن ۇيىمداسقان قىلمىستىق توپتى قۇرۋ جانە وعان باسشىلىق ەتۋ فاكتىسى بويىنشا ايىپ تاعىلعان. كۇدىكتىلەر سوتتىڭ ماقۇلداۋىمەن قاماۋعا الىندى. سوتقا دەيىنگى تەرگەۋ جالعاسۋدا.