فيلوسوفيا عىلىمىنىڭ دوكتورى، پروفەسسور، پەداگوگ، ساياسي عىلىمدار جانە زاڭ عىلىمدارى اكادەميالارىنىڭ اكادەميگى ساعادي بايۇزاق ۇلى بولەكبايەۆ دۇنيەدەن وزدى. قارالى حاباردى تۋرالى ءال-فارابي اتىنداعى قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتى فيلوسوفيا كافەدراسى جەتكىزدى.
ساعادي بولەكبايەۆ ويشىل-فيلوسوف اعىن قاسىمجانوۆتىڭ ءىزباسارى بولعان. ول جارتى عاسىرعا جۋىق عۇمىرىن عىلىم مەن ۇستازدىققا ارناعان.
ساعادي بولەكبايەۆ ءار جىلدارى ق ر ءبعم-نىڭ ۇلتتىق ساراپشىسى، قازاقستان حالقى اسسامبلەياسىنىڭ كەڭەسشىسى، ق ر مادەنيەت مينيسترلىگى ءدىن ىستەرى جونىندەگى كوميتەتى ساراپشىلار كەڭەسىنىڭ مۇشەسى، الماتى قالاسىنداعى اقپاراتتىق-تالداۋ ورتالىعىنىڭ مۇشەسى، "ادىلەت" پارتياسى ءتوراعاسىنىڭ ورىنباسارى، ق ر عك فيلوسوفيا، ساياساتتانۋ جانە ءدىنتانۋ ينستيتۋتىنىڭ عىلىمي جوبالارىنىڭ ساراپشىسى، بىرنەشە ديسسەرتاسيالىق كەڭەستەردىڭ مۇشەسى، "ورتالىق ازيا ۋنيۆەرسيتەتى حابارشىسى"، "مادەنيەتتەر ديالوگى" اقپاراتتىق-تالداۋ جۋرنالدارىنىڭ باس رەداكتورى، "د.ا. قونايەۆ اتىنداعى زاڭ ۋنيۆەرسيتەتى حابارشىسىنىڭ"، رەسەيلىك "سوتيس" فەدەرالدىق عىلىمي-پراكتيكالىق جۋرنالىنىڭ رەداكسيالىق القاسىنىڭ مۇشەسى سىندى عىلىمي جانە قوعامدىق-ساياسي قىزمەتتەردى اتقارعان.
ساعادي بايۇزاق ۇلىنىڭ فيلوسوفيا تاريحى، الەۋمەتتىك فيلوسوفيا، حالىقارالىق قاتىناستار، تۇرىك حالىقتارىنىڭ تاريحى مەن مادەنيەتى، لوگيكا، ەكونوميكا جانە مەملەكەت ماسەلەلەرى، سانا فيلوسوفياسىنا قاتىستى زەرتتەۋلەرى وقىرمانعا ەتەنە تانىس جانە ۇلكەن سۇرانىسقا يە.
عالىم كوپتەگەن كىتاپتار مەن بىرنەشە وقۋلىقتاردىڭ، 250-دەن استام عىلىمي ماقالانىڭ اۆتورى بولعان. ونىڭ 50-دەن استام عىلىمي ەڭبەگى چەحيا، پولشا، نيدەرلاندى، گەرمانيا، پاكىستان، رەسەي، ۋكراينا، وزبەكستان، تۇركمەنستان، قىرعىزستان، ازەربايجان جانە ت.ب. ەلدەردە جاريالانعان.
پىكىر قالدىرۋ