شارىن شاتقالىنداعى قايعىلى وقيعا بويىنشا ەكى قىلمىستىق ءىس قوزعالدى. بۇل تۋرالى الماتى وبلىستىق پوليسيا دەپارتامەنتى حابارلادى.
"قازاقستان رەسپۋبليكاسى قىلمىستىق كودەكسىنىڭ 306-بابى 3-بولىگى (ابايسىزدا ادام ءولiمiنە اكەپ سوققان ىس-ارەكەتتەر) جانە 141-بابىنىڭ 2-بولىگى (ابايسىزدا جاس بالانىڭ ولىمىنە اكەپ سوققان ارەكەت) بويىنشا سوتقا دەيىنگى تەرگەۋ باستالدى. وزگە اقپاراتتار زاڭعا سايكەس جاريالانبايدى" دەلىنگەن دەپارتامەنت تاراتقان حابارلامادا.
تەرگەۋ جۇمىستارى قاۋىپسىزدىك تالاپتارىنا ساي قىزمەت كورسەتپەگەنى ءۇشىن ادام ولىمىنە اكەپ سوققان جاعداي جانە بالالاردىڭ دەنساۋلىعى مەن قاۋىپسىزدىگىنىڭ ساقتالماۋى بويىنشا ءجۇرىپ جاتىر.
ەسكە سالا كەتەيىك، 29 مامىر كۇنى الماتى وبلىسىنىڭ شارىن شاتقالىندا سەل ءجۇرىپ، سونىڭ سالدارىنان ەكسپەديسيادا جۇرگەن ءمۇعالىم، اتا-انا، وقۋشىلاردان تۇراتىن توپتاعى ءبىر ءمۇعالىم مەن ءبىر وقۋشى مەرت بولىپ، ءبىر وقۋشى تاۋلىككە جۋىق ۋاقىتتان كەيىن تابىلعان. تاعى 6 ادام زارداپ شەككەن.
پىكىر قالدىرۋ