ءماجىلىستىڭ جالپى وتىرىسىندا دەپۋتات، "Nur Otan" پارتياسى فراكسياسىنىڭ مۇشەسى دارحان مىڭباي پرەمەر-مينيسترىنىڭ ورىنباسارى ەرالى توعجانوۆقا ەلدە تۋريستىك مارشرۋتتارمەن ساياحاتتاۋ كەزىندە ادامدار تاپ بولاتىن قاتەرلەرگە قاتىسى دەپۋتاتتىق ساۋال جولدادى.

دەپۋتاتتىڭ تۇركىستان وبلىسىنداعى سايرام-وگەم مەملەكەتتىك ۇلتتىق تابيعي پاركىندە 7 ستۋدەنتتىڭ جوعالىپ كەتكەنىن، ولاردىڭ 3-ەۋىنىڭ قازا تاپقانىن اتاپ ءوتىپ، تۋريستىك ناۆيگاسيا جۇيەسىن، ونىڭ ىشىندە ءتۋريستىڭ ونلاين ناۆيگاتورىن جەدەل ەنگىزۋ قاجەتتىگىن كوتەردى.

"ازاماتتاردىڭ قاۋىپسىزدىگىن قامتاماسىز ەتۋ ماقساتىندا جانە "Nur Otan" پارتياسىنىڭ "وزگەرىستەر جولى: ءار ازاماتقا لايىقتى ءومىر!" سايلاۋالدى باعدارلاماسىنداعى مىندەتتەردى ورىنداۋ ءۇشىن مىنالاردى ۇسىنامىز:

1) سيفرلىق دامۋ، يننوۆاسيالار جانە اەروعارىش ونەركاسىبى جانە مادەنيەت جانە سپورت مينيسترلىكتەرى ينتەگراسيالانعان تۋريستىك ناۆيگاسيا قوسىمشاسىن ازىرلەسىن جانە ونى باسىم تۋريستىك ايماقتاردىڭ ۇزدىك وندىعىنىڭ بىرىندە (الماتى ءوڭىرىنىڭ تاۋ كلاستەرى، تۇركىستان ءوڭىرى، نۇر-سۇلتان قالاسى) پيلوتتىق جوبا رەتىندە ىسكە قوسسىن.

2) توتەنشە جاعدايلار مينيسترلىگى، كازگيدرومەت باسقا دا ءتيىستى قىزمەت كورسەتەتىن مەكەمەلەر مەن جەرگىلىكتى اتقارۋشى ورگاندار ازاماتتاردىڭ قاۋىپسىزدىگىن قامتاماسىز ەتۋ جانە جازاتايىم جاعدايدى بولعىزباۋ ءۇشىن الەۋمەتتىك جەلىلەردە، ب ا ق ارقىلى تۋريستىك مارشرۋتتار بويىنشا شۇعىل اۋا-رايى بولجامى (مىسالى، «كازمەتەوتۋر») باسقا دا ساقتىق شارالارى جونىندە ءاقپاراتتىق-تۇسىندىرۋ جۇمىستارىن جۇرگىزسىن" دەلىنگەن اقپاراتتىق حابارلامادا.

25 مامىردا تۇركىستان وبلىسىنداعى سايرام-وگەم مەملەكەتتىك ۇلتتىق تابيعي پاركىنىڭ اۋماعىندا نازاربايەۆ ۋنيۆەرسيتەتى مەن مەكتەپ تۇلەكتەرىنەن تۇراتىن 7 ادام جوعالعانى حابارلانعان. تۋريستەر 21 مامىردا "سارى-ايعىر" شاتقالىنا جاياۋ بەت العان. قۇتقارۋشىلارعا حابارلاسقان ادامنىڭ ايتۋىنشا، ولار 24 مامىردا ۇيگە ورالۋى كەرەك ەدى. 28 مامىردا جوعالعان 7 ادامنىڭ 3-ەۋى تابىلعان. ولار ءدىن-امان. ال 29 مامىردا 2 ادامنىڭ دەنەسى تابىلدى. قالعان  ادامنىڭ تاعدىرى ازىرگە بەيمالىم.

ال 29 مامىر كۇنى الماتى وبلىسىنىڭ شارىن شاتقالىندا سەل ءجۇرىپ، سونىڭ سالدارىنان ەكسپەديسيادا جۇرگەن ءمۇعالىم، اتا-انا، وقۋشىلاردان تۇراتىن توپتاعى ءبىر ءمۇعالىم مەن ءبىر وقۋشى مەرت بولىپ، وقۋشى تاۋلىككە جۋىق ۋاقىتتان كەيىن تابىلعان. تاعى 6 ادام زارداپ شەككەن.