الماتى وبلىسىنىڭ قۇلجا تاس جولىندا جەتى ادام جول اپاتىنان كوز جۇمدى. بۇل تۋرالى وبلىستىق پوليسيا دەپارتامەنتى حابارلادى.
جول اپاتىنىڭ سۋرەتتەرى taldykorganec.insta پاراقشاسىندا جاريالاندى.
قايعىلى وقيعا 19 ماۋسىم كۇنى ساعات 18:50 شاماسىندا بولعان. بايسەيىت كەنتىنىڭ ماڭىندا Toyota Rav4 جۇرگىزۋشىسى رولگە يە بولا الماي قارسى بەتكە شىعىپ كەتىپ، Audi اۆتوكولىگىمەن سوقتىعىسقان.
سالدارىنان 2 جۇرگىزۋشى مەن 3 جولاۋشى وقيعا ورنىندا، تاعى 2 ادام شەلەك اۋىلىنىڭ اۋرۋحاناسىندا قايتىس بولدى.
ونىڭ ىشىندە 16، 13، 8 جاستاعى بالالار جانە 4 ايلىق ءسابي بار. تاعى ءۇش جولاۋشى ءتۇرلى جاراقاتتارمەن اۋرۋحاناعا جەتكىزىلدى.
ءقازىر اتالعان ءىس بويىنشا قىلمىستىق كودەكستىڭ 345-بابى، 4-تارماعى بويىنشا (ابايسىزدا ەكi نەمەسە ودان دا كوپ ادامنىڭ ءولiمiنە اكەپ سوققان، جول قوزعالىسى ەرەجەلەرىن بۇزۋ) سوتقا دەيىنگى تەرگەۋ باستالدى. وقيعانىڭ ءمان-جايى مەن سەبەپتەرى انىقتالىپ جاتىر.
پىكىر قالدىرۋ