پرەزيدەنت ق.توقايەۆ وبلىستاردىڭ جانە رەسپۋبليكالىق ماڭىزى بار قالالاردىڭ اكىمدەرىمەن وتكە اۋىل اكىمدەرىن سايلاۋ ماسەلەلەرى جونىندەگى كەڭەس وتىرىسىندا بيىل ءداستۇرلى فورماتتا وتەتىن جاڭا وقۋ جىلىنا دايىندىق جۇمىستارىن قازىردەن باستاپ قولعا الۋ قاجەت ەكەنىن ايتتى.
ول كوپتەگەن ءبىلىم وردالارى ءبىر جىلدان استام ۋاقىت تولىققاندى جۇمىس ىستەمەگەنىن، بۇل رەتتە، قاسىم-جومارت توقايەۆ ۋنيۆەرسيتەتتەردىڭ، مەكتەپتەر مەن بالاباقشالاردىڭ ينفراقۇرىلىمدارىنىڭ دايىندىعىن، سونىمەن قاتار وقىتۋشىلار مەن تاربيەشىلەر شتاتىنىڭ جاساقتالۋ دەڭگەيىن تەكسەرۋدى تاپسىردى.
پرەزيدەنت سونداي-اق وڭىرلەردەگى احۋال ءۇشىن اكىمدەردىڭ وزدەرى جاۋاپ بەرەتىنىن ەسكە سالىپ، قوعامدىق-ساياسي تۇراقتىلىقتى جانە ورنىقتى دامۋدى قامتاماسىز ەتۋ ولاردىڭ تىكەلەي مىندەتى ەكەنىن اتاپ ءوتتى.
بۇعان دەيىن ءبىلىم جانە عىلىم ءمينيسترى اسحات ايماعامبەتوۆ ەلدە اۋرۋ دەڭگەيى كۇرت تومەندەپ جاتقانىن، سونىڭ ارقاسىندا كەلەسى وقۋ جىلىن ءداستۇرلى فورماتتا اشۋعا بارلىق مۇمكىندىك بار ەكەنىن ايتقان.
پىكىر قالدىرۋ