قازاقستاننىڭ باس سانيتار دارىگەرى ەرلان قياسوۆ كوروناۆيرۋس ينفەكسياسىنىڭ تارالۋىن الدىن الۋ ماقساتىندا جاڭا قاۋلى جاريالادى. 

قاۋلى 2 شىلدە ساعات 00:00-دەن باستاپ كۇشىنە ەنەدى.

تومەندە كورسەتىلگەن ۇيىمداردىڭ ۆاكسيناسيالانباعان جۇمىسكەرلەرى (تۇراقتى مەديسينالىق قارسى كورسەتىلىمدەرى بار جانە سوڭعى 3 اي ىشىندە COVID-19-بەن اۋىرىپ جازىلعان ادامداردى قوسپاعاندا) (7 كۇندە 1 رەت) مىندەتتى پتر-تەستىلەۋدەن ءوتۋى قاجەت:

• حالىققا قىزمەت كورسەتۋ ورتالىقتارى (حقكو)، "قازپوشتا" اق بولىمشەلەرى، ەكىنشى دەڭگەيدەگى بانكتەر، قارجى نارىعىنىڭ وبەكتىلەرى، ساقتاندىرۋ كومپانيالارى، جىلجىمايتىن مۇلىك جونىندەگى اگەنتتىكتەر، جارناما اگەنتتىكتەرى، لومباردتار؛

• سۇلۋلىق سالوندارى، شاشتارازدار، حيميالىق تازالاۋ ورىندارى، فيتنەس، سپورت كەشەندەرى، سپورتتىق-ساۋىقتىرۋ ورتالىقتارى؛

• سپا جانە ماسساج سالوندارى/ورتالىقتارى/كابينەتتەرى، مونشالار، ساۋنالار، باسسەيندەر، جاعاجايلار؛

• تىگىن اتەلەسى، فوتوسالوندار، اياق كيىم شەبەرحانالارى، گۇل دۇكەندەرى؛

• ادۆوكات، نوتاريۋس، بۋحگالتەر جانە كونسالتينگ، مانيكيۋر جانە پەديكيۋر، كوسمەتولوگيالىق قىزمەتتەردى كورسەتۋ جونىندەگى وبەكتىلەر؛

•  

  حالىق تۇتىناتىن ونىمدەردىڭ جانە تاۋارلاردىڭ كوتەرمە جانە بولشەك ساۋداسى وبەكتىلەرىنىڭ، ونىڭ ىشىندە بازارلاردىڭ، ساۋدا ۇيلەرىنىڭ، ساۋدا جەلىلەرىنىڭ، ساۋدا-ويىن ورتالىقتارىنىڭ، دۇكەندەردىڭ، شاعىن ماركەتتەردىڭ، سۋپەرماركەتتەردىڭ، گيپەرماركەتتەردىڭ قىزمەتكەرلەرى؛ 

• مادەنيەت جانە دەمالىس وبەكتىلەرىنىڭ (مۋزەيلەر، مۋزەي-قورىقتار، كىتاپحانالار، كونسەرتتىك ۇيىمدار، فيلارمونيالار، تەاترلار، كينوتەاترلار، كونسەرت زالدارى، كلۋبتار، گالەرەيالار، كورمەلەر، سيركتەر جانە باسقا دا مادەني-دەمالىس ۇيىمدارى) قىزمەتكەرلەرى؛ 

• قوناق ۇيلەر، وتەلدەر، حوستەلدەر، موتەلدەر، جاتاقحانالار، كەمپينگتەر جانە تاعى باسقالار؛ 

• جولاۋشىلار تاسىمالىن جۇزەگە اسىراتىن ۇيىمداردىڭ، اۋەجايلاردىڭ، تەمىرجول، اۆتوموبيل جانە سۋ ۆوكزالدارىنىڭ، وزەن جانە تەڭىز پورتتارىنىڭ، اۆتوستانسيالار/اۆتووتپە جولدارىنىڭ، جولاۋشىلارعا قىزمەت كورسەتۋ پۋنكتتەرىنىڭ قىزمەتكەرلەرى؛ 

• ءبىلىم بەرۋ جانە تاربيەلەۋ ۇيىمدارىنىڭ، ونىڭ ىشىندە ءبىلىم بەرۋ دامىتۋ جانە تۇزەتۋ ورتالىقتارى؛ 

• ساناتوريي-كۋرورتتىق جانە ساۋىقتىرۋ ماقساتىنداعى وبەكتىلەر؛ 

• قوعامدىق تاماقتانۋ وبەكتىلەرىنىڭ، ونىڭ ىشىندە ۇيىمداسقان ۇجىمداردا ورنالاسقان، سونداي-اق تاماق جەتكىزۋدى جۇزەگە اسىراتىن وبەكتىلەردىڭ، ستريت-فۋدتار قىزمەتكەرلەرى؛ 

• بارلىق ۇلگىدەگى مەديسينالىق-الەۋمەتتىك وبەكتىلەر (قارتتار، مۇگەدەكتەر ۇيلەرى، سابيلەر ۇيلەرى جانە باسقالارى)؛ 

• دەنساۋلىق ساقتاۋ ۇيىمدارى، ونىڭ ىشىندە زەرتحانالار، ءدارىحانا قىزمەتكەرلەرى؛ 

• كومپيۋتەرلىك كلۋبتار، بيليارد زالدارى، بوۋلينگتەر، ويىن-ساۋىق ورتالىقتارى/ساياباقتارى، اتتراكسيوندار، اكۆاپاركتەر، كاراوكە، لوتەرەيا كلۋبتارى جانە لوتەرەيا بيلەتتەرىن ساتۋ جونىندەگى وزگە دە پۋنكتتەر/نۇكتەلەر جانە باسقالار.