دەنساۋلىق ساقتاۋ مينيسترلىگى 4 تامىز كۇنگى ەپيدەميولوگيالىق جاعداي تۋرالى اقپارات جاريالادى.
مينيسترىك مالىمەتىنشە، قازاقستاندا وتكەن تاۋلىكتە پتر ارقىلى 7792 ادامنان كوروناۆيرۋس، 379 ادامنان پنيەۆمونيا انىقتالعان. 3 تامىزدا 125 ادام كوروناۆيرۋستان، 33 ناۋقاس پنيەۆمونيادان كوز جۇمعان.
ەل بويىنشا كوروناۆيرۋسقا تاپسىرعان تەستى وڭ ناتيجە كورسەتكەن جاعدايلاردىڭ جالپى سانى 610 744-كە جەتتى. كوروناۆيرۋس بەلگىلەرى بار پنيەۆمونيامەن اۋىرعانداردىڭ رەسمي سانى – 62 151.
5 تامىزداعى مالىمەت بويىنشا، 104 377 ادام كوروناۆيرۋستان، 3 223 ناۋقاس پنيەۆمونيادان ەمدەلىپ جاتىر. ولاردىڭ ىشىندە 29 623 پاسيەنت ستاسيوناردا، 77 977 ناۋقاس امبۋلاتوريالىق دەڭگەيدە ەم قابىلداۋدا. 1 832 ادامنىڭ جاعدايى اۋىر، 417 پاسيەنتتىڭ جاعدايى وتە اۋىر، 202 ناۋقاس ءوجج اپپاراتىندا جاتىر.
بۇگىندە تۇركىستان وبلىسى كوروناۆيرۋستىڭ تارالۋ قارقىنى بويىنشا "جاسىل" ايماقتا. ال، نۇر-سۇلتان، الماتى، شىمكەنت قالالارى، اقمولا، اقتوبە، الماتى، اتىراۋ، باتىس قازاقستان، جامبىل، قاراعاندى، قوستاناي، قىزىلوردا، ماڭعىستاۋ، پاۆلودار، سولتۇستىك قازاقستان جانە شىعىس قازاقستان وبلىستارى كوروناۆيرۋستىڭ "قىزىل" ايماعىندا تۇر.
4 تامىزداعى مالىمەت بويىنشا قازاقستاندا 5 584 190 ادام ۆاكسينانىڭ I كومپونەنتىن، 4 148 969 ادام II كومپونەنتىن سالدىرعان.
پىكىر قالدىرۋ