قازاقستاندىق بوكسشى ساكەن بيبوسىنوۆ توكيو وليمپياداسىنىڭ فينالىنا شىعا المادى، دەپ حابارلادى Olympic.kz سايتى.
بوكستان 52 كەلى سالماقتاعى جارتىلاي فينالدىق جەكپە-جەكتەر اياقتالدى. قازاقستاندىق ساكەن بيبوسىنوۆ تورەشىلەر شەشىمىمەن قارسىلاسىنا جول بەردى.
كەزدەسۋدىڭ ءبىرىنشى راۋندىندا ساكەن نوكداۋن الىپ، بريتانيالىق دجالال يافاي ايقىن باسىمدىقپەن العا شىقتى.
ەكىنشى راۋندتا بەس تورەشىنىڭ ۇشەۋى عانا بيبوسىنوۆتىڭ باسىمدىعىن مويىنداعان. شەشۋشى ءۇشىنشى راۋند قورىتىندىسى بويىنشا 3:2 ەسەبىمەن ۇلىبريتانيالىق دجالال يافاي جەڭىسكە جەتتى.
وسىلايشا، ساكەن بيبوسىنوۆ توكيو وليمپياداسىنىڭ قولا جۇلدەگەرى اتاندى.
قازاقستاندىق بوكسشىلار ەنشىسىندە العاش رەت وليمپيادا التىنى جوق.
پىكىر قالدىرۋ