دەنەسىنىڭ 85-90 پايىزىن كۇيىك شالعان جامبىل وبلىسى بايزاق اۋدانى قاينار رازەزىندە ورنالاسقان 28349 اسكەري ءبولىمىنىڭ باستىعى، كاپيتان ەرلان قىرعىزالييەۆ مەديسينالىق كومەككە مۇقتاج. بۇل تۋرالى جۋرناليست يرينا سوۆەتجان قىزى instagram پاراقشاسىندا حابارلادى.
جامبىلداعى جارىلىستا كۇيىك شالىپ، جانساقتاۋ بولىمىندە جاتقان ەرلان قىرعىزالييەۆتىڭ اپكەسى باۋىرىنىڭ جاعدايى كۇننەن-كۇنگە ناشارلاپ جاتقانىن ايتادى. ول نۇر-سۇلتان قالاسىنان بىلىكتى دارىگەرلەردى مەديسينالىق اپپاراتپەن تارازعا الدىرۋدى سۇراپ، قۇزىرلى ورگاندارعا حات جازعان.
سوزىنشە، تاراز قالالىق اۋرۋحاناسىنىڭ دارىگەرى ءىنىسىنىڭ جاعدايى بويىنشا نۇر-سۇلتان قالاسىنىڭ دارىگەرلەرىمەن ونلاين كونفەرەنسيا ارقىلى سويلەسكەن. نۇرسۇلتان قالاسى دارىگەرلەرى ناۋقاستى ساناۆياسيا ارقىلى تارازدان استاناعا جەتكىزۋ تۋرالى شەشىم قابىلداعان. الايدا ناۋقاستىڭ ءحالى تىم اۋىر، قان قىسىمى تۇراقسىز بولعاندىقتان ونى جەتكىزۋ مۇمكىن بولماي تۇر.
ناۋقاستىڭ اپكەسى بىلىكتى دارىگەرلەردى تارازعا اكەلۋدى سۇرايدى. ول ءىنىسى اسكەري قويمادا شىن مانىندە جارىلاتىن زاتتىڭ بارىن بىلمەگەنىن، سوندىقتان "اسكەريلەر قاشىپ كەتتى دەگەنمەن كەلىسپەيتىنىن ايتادى.
قازىرگى ۋاقىتتا ونىڭ بار قالاۋى مىقتى مامانداردى تارازعا الدىرتۋ.
پوسموترەت ەتۋ پۋبليكاسيۋ ۆ Instagram
پىكىر قالدىرۋ