شىمكەنت گارنيزونىنداعى مەحانيكالاندىرىلعان بريگادانىڭ اسكەري قىزمەتشىلەرى تاراز قالاسىندا وتكەن اسكەري ءۇشسايىستان «وڭتۇستىك» وڭىرلىك قولباسشىلىعى بويىنشا ىرىكتەۋ چەمپيوناتىنىڭ جەڭىمپازدارى اتاندى.
ءدۇبىرلى دودادا «وڭتۇستىك» وڭىرلىك قولباسشىلىعىنا قاراستى اسكەري بولىمدەردەن 9 كوماندا، ونىڭ ىشىندە 27 اسكەري قىزمەتشى ب ا ق سىناستى. ەكى كۇنگە جوسپارلانعان جارىس بارىسى جەكەلەگەن جانە كوماندالىق ەسەپتىڭ بىرىنشىلىگىندە قىزۋ تارتىستى بولدى. اسكەري سپورتشىلار گراناتانى قاشىقتىققا لاقتىرۋدان سايىسقا ءتۇسىپ، وق اتۋ جاتتىعۋلارىن ورىندادى.
جالپى اسكەري جاتتىعۋلار كەشەنىندە 400 مەتر قاشىقتىققا كەدەرگىلەر جولاعىنان جۇگىرىپ ءوتۋ جارىسى دا بار.
سايىستىڭ قورىتىندىسى بويىنشا شىمكەنت گارنيزونىنداعى مەحانيكالاندىرىلعان بريگادانىڭ اسكەري قىزمەتشىلەرى جەكەلەگەن جانە كوماندالىق ەسەپتە ۇزدىك ناتيجەسىمەن باس جۇلدە الىپ، جەڭىسكە جەتتى. جەكەلەگەن ەسەپتە جەڭىمپاز اتاعىن سەرجانت اسىلبەك قارابايعا بەرىلدى.
ماديار باباحانوۆ، كوماندانىڭ باس باپكەرى، مايور
- وقۋدا قيىن – ۇرىستا وڭاي دەمەكشى، ءبىز بۇل سايىسقا جاۋىنگەرلىك دايىندىق جوسپارىنا سايكەس ەكى اي بويى تىنىمسىز دايىندالدىق. وسىنداي جىگىتتەردىڭ جەڭىسكە دەگەن ۇمتىلىسى جانە گارنيزون باسشىلىعىنىڭ قولداۋىمەن جەڭىسكە جەتىپ وتىرمىز. الداعى ۋاقىتتا وتەتىن قارۋلى كۇشتەردىڭ چەمپيوناتىندا دا جەڭىمپاز اتانۋعا بار كۇش-جىگەرىمىزدى سالامىز.
جەڭىمپاز اتانعان شىمكەنت گارنيزونىنىڭ كومانداسى اعىمداعى جىلدىڭ 22-25 قىركۇيەگى ارالىعىندا الماتى قالاسىندا وتەتىن قارۋلى كۇشتەردىڭ چەمپيوناتىندا «وڭتۇستىك» وڭىرلىك قولباسشىلىعىنىڭ نامىسىن قورعايتىن بولادى.
پىكىر قالدىرۋ