شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسىنا قاراستى «ومىرلىك قيىن جاعدايعا تۇسكەن ادامداردى الەۋمەتتىك بەيىمدەۋ ورتالىعى» ىشىنەن اشىلعان «ۇتقىر» الەۋمەتتىك ءپاترۋلى قالادا رەيدتىك تەكسەرۋ جۇمىستارىن جۇرگىزۋدە.

پاترۋل قىزمەتكەرلەرى ءىس-شارا بارىسىندا تولە بي كوشەسىنىڭ بويىندا ورنالاسقان قىرعى بازار ماڭىندا، قۇرمانبەكوۆ كوشەسىنىڭ بويىندا ورنالاسقان №1 قالالىق اۋرۋحانا الدىندا جانە رەسپۋبليكا داڭعىلىنىڭ بويىنداعى كومەش-بۇلاق بازارىنىڭ اۋماعىندا ۇي-كۇيسىز (قاڭعىباستىققا) سالىنىپ جۇرگەن ازاماتتاردى ورتالىققا جەتكىزدى.

ورتالىققا جەتكىزىلگەن ازاماتتارعا العاشقى مەديسينالىق كومەك تۇرلەرى كورسەتىلدى. جەكە گيگيەنالىق جۇمىستار جۇرگىزىلىپ، توسەك-ورىنمەن قامتاماسىز ەتىلدى. الداعى ۋاقىتتا الەۋمەتتىك كومەك تۇرلەرىن ايقىندايتىن بولامىز.

مەكەمە كامەلەت جاسقا تولعان بەلگىلى تۇرعىلىقتى جەرى جوق، جەكە باسىن كۋالاندىراتىن قۇجاتتارى جوق جانە باس بوستاندىعىنان ايىرۋ ورىندارىنان بوساتىلعان نەمەسە شارتتى تۇردە سوتتالعان ازاماتتارعا قىزمەت كورسەتەدى. ورتالىقتا ءقازىر 140–تان استام ازامات قىزمەت الۋدا. ورتالىق قىزمەت الۋشىلارعا قۇجاتتارىن راسىمدەۋ، مەديسينالىق تەكسەرۋدەن وتكىزىپ، قاجەت بولعان جاعدايدا مەديسينالىق ۇيىمدارعا ورنالاستىرۋ، جۇمىسپەن قامتۋ، تۇرعىن ءۇي كەزەگىنە تۇرعىزۋ سەكىلدى الەۋمەتتىك كومەكتەر كورسەتەدى.

سونىمەن قاتار، ورتالىقتا قىزمەت الۋشىلاردىڭ ەڭبەك داعدىلارىن ارتتىرۋ، پسيحيكالىق كۇيزەلىستەن شىعارىپ، كوڭىل-كۇيلەرىن كوتەرۋ جانە دەنساۋلىقتارىن نىعايتۋ ماقساتىندا كۇندەلىكتى تاڭەرتەڭگىلىك سەرۋەندەر ۇيىمداستىرىلادى. «حايۋاناتتار باعى» بۇرىشىن تاماشالايتىندار دا بار. ولار ساياباقتا سەرۋەندەپ، عاجايىپ قۇس سانالاتىن تاۋىستاردى، كەپتەر مەن كوجەك، قويانداردى تاماشالاي الادى. جانۋارلاردى كۇتىپ-باپتاۋعا قىزمەتكەر مەن ۆەتەرينار-دارىگەر جۇمىلدىرىلعان.