شىمكەنت قالاسىنداعى مارتوبە تۇرعىن الابىندا ءسۇت ونىمدەرىن وڭدەيتىن سەح اشىلدى. جوباعا 300 ملن تەڭگە ينۆەستيسيا تارتىلعان. اتالمىش سەحتا كۇنىنە 20-25 تونناعا دەيىن ءسۇت وڭدەلۋدە. وڭدەلگەن سۇتتەن 2،5 توننا ىرىمشىك ءونىمىنىڭ گوللاند جانە موسارەللا ءتۇرى شىعارىلادى. سۇرانىسقا قاراي برىنزا ءونىمى دە وندىرىلەدى.
كاسىپورىن باسشىسى پولات حالايەۆتىڭ ايتۋىنشا، الداعى ۋاقىتتا ءونىم كولەمىن 35-40 تونناعا دەيىن ارتتىرىپ، ءونىم ءتۇرىن كوبەيتۋدى جوسپارلاپ وتىر. قازىرگى تاڭدا مارتوبەدەن شىعارىلعان ءسۇت ونىمدەرى ەلىمىزدىڭ بارلىق ايماقتارىن تولىقتاي قامتىپ وتىر ەكەن.
جيىرما بەس جەرگىلىكتى تۇرعىندى تۇراقتى جۇمىسپەن قامتىپ وتىرعان «حالايەۆ» جك كاسىپورىن ساپا ستاندارتى بويىنشا جۇمىس ىستەپ وتىر.
پىكىر قالدىرۋ