شىمكەنت قالاسى قورعانىس ىستەرى جونىندەگى دەپارتامەنتىندە قىزمەت اتقاراتىن 20-عا جۋىق وفيسەرى قىزمەتتىك ءىسىن، كاسىبي بىلىكتىلىگىن باعالاۋ جانە كاسىبي الەۋەتىن دامىتۋ، ولاردىڭ اتقارىپ وتىرعان اسكەري لاۋازىمدارىنا سايكەستىگىن جانە ودان ءارى قىزمەتتە پايدالانۋ پەرسپەكتيۆالارىن ايقىنداۋ ماقساتىندا اتتەستاتتاۋدان وتۋدە.

اتتەستاتتاۋ بارىسى دەپارتامەنت باستىعىنىڭ ءبىرىنشى ورىنباسارى – شتاب باستىعى پودپولكوۆنيك تاۋىرجان سماعۇلوۆتىڭ توراعالىعىمەن وفيسەرلەر قۇرامىنىڭ مورالدىق جانە پسيحولوگيالىق قاسيەتتەرىن زەردەلەۋ، سونداي-اق اسكەري قىزمەتتى رەگلامەنتتەيتىن زاڭناما ەرەجەلەرىن، جالپى اسكەري جارعىلارىن جانە لاۋازىمدىق مىندەتتەرىن، سىبايلاس جەمقورلىققا قارسى ءىس-قيمىل تۋرالى زاڭنامانى بىلۋىمەن قاتار، كاسىبي جانە دەنە دايىندىعىنان سىناقتار تاپسىرۋى بويىنشا ءتيىستى دەڭگەيدە ۇيىمداستىرىلدى.

تاۋىرجان سماعۇلوۆ، شتاب باستىعى، پودپولكوۆنيك
– اتتەستاتتاۋدان ءوتۋدىڭ نەگىزگى مىندەتتەرى ءاربىر وفيسەردىڭ كاسىبي، ىسكەرلىك جانە جەكە قاسيەتتەرىن، الەۋەتتى مۇمكىندىكتەرىن، ونىڭ اتقارىپ وتىرعان لاۋازىمعا سايكەس كەلۋىن انىقتاۋ، سونداي-اق جەتىلدىرۋ مەن نىعايتۋدى قاجەت ەتەتىن وفيسەرلەر كورپۋسىنىڭ وسال تۇستارىن ايقىنداۋدان تۇرادى. سونىمەن بىرگە، اتتەستاتتاۋ جاڭا اناعۇرلىم كۇردەلى كاسىبي تاپسىرمالارعا ءازىر اسكەري قىزمەتشىلەردىڭ ءارى قارايعى مانساپتىق وسۋىنە جاڭا پەرسپەكتيۆالار اشادى.

ايتا كەتسەك، ەلىمىزدىڭ قارۋلى كۇشتەرىندەگى اتتەستاتتاۋ مىندەتتى تۇردە ءۇش جىلدا ءبىر رەت ۇيىمداستىرىلادى. وعان بارلىق ساناتتاعى وفيسەرلەر قۇرامى قاتىستىرىلادى.