قازىرگى ۋاقىتتا شىمكەنت قالاسىندا ەڭبەك ەتۋ ءۇشىن جۇمىس بەرۋشىگە رۇقسات ەتىلگەن 250 شەتەل ازاماتى تىركەلگەن. بيىل 1ء-شى ماۋسىمداعى جاعداي بويىنشا جۇمىس بەرۋشىلەرگە شەتەلدىك جۇمىس كۇشىن تارتۋعا 322 بىرلىك كۆوتا ءبولىندى. ونىڭ نەگىزىندە قالاداعى 33 كاسىپورىن مەن ۇيىمداردا 250 شەتەلدىك ازامات جەرگىلىكتى اتقارۋشى ورگانداردىڭ رۇقساتىمەن جۇمىس ىستەۋدە.

شەتەلدىكتەرگە قالا اۋماعىندا جۇمىس ىستەۋگە رۇقسات بەرۋ جانە جۇمىس ىستەۋ مەرزىمىن ۇزارتۋ ءتارتىبى مەن شارتتارىن ايقىنداۋ ماقساتىندا جۇمىسكەرلەردىڭ 4 ءتۇرلى ساناتى بەلگىلەنەدى. اتاپ ايتقاندا، ءبىرىنشى سانات – باسشىلار جانە ولاردىڭ ورىنباسارلارى (7 ادام)، ەكىنشى سانات – قۇرىلىمدىق بولىمشەلەردىڭ باسشىلارى (19 ادام)، ءۇشىنشى سانات – ماماندار (214 ادام)، ءتورتىنشى سانات – بىلىكتى جۇمىسشىلار (10 ادام). شەتەل جۇمىس كۇشىنىڭ نەگىزگى بولىگى – ءۇشىنشى جانە ءتورتىنشى ساناتتاعىلار.

سونداي-اق، جۇمىس بەرۋشىلەر شەتەل جۇمىس كۇشىن تارتقانى ءۇشىن سالىق تولەيدى. ءار سانات ءۇشىن ءوزىنىڭ بەكىتىلگەن كوەففيسيەنتى بولادى. شەتەل جۇمىس كۇشىن تارتۋعا رۇقسات بەرگەنى جانە ۇزارتقانى ءۇشىن جىل باسىنان بەرى 58،8 ملن تەڭگە الىم جەرگىلىكتى بيۋدجەتكە ءتۇستى.

ايتا كەتەيىك، اتالعان كاسىپورىنداردا جۇمىس ىستەيتىن ق ر ازاماتتارىنىڭ سانى – 12 312. جەرگىلىكتى ازاماتتاردىڭ قامتۋ كورسەتكىشى – 98،0 پايىز. بۇل رەتتە جەرگىلىكتى مامانداردىڭ بىلىكتىلىگىن ارتتىرۋعا باسىمدىق بەرىلۋدە. وسى جۇمىستاردىڭ ناتيجەسىندە شەتەل ماماندارىنا دەگەن سۇرانىس تومەندەمەك.