بالقاشتا ەر ادام جول اپاتىنا تۇسكەن ايەلىنە كومەك كەرەك دەپ تانىسىن الداپ كەتتى. بۇل تۋرالى Polisia.kz حابارلادى.

20 قىركۇيەكتە 26 جاستاعى ايەل قاراعاندى ​​وبلىسى بالقاش قالاسىنىڭ پوليسيا بولىمىنە حابارلاسقان. ول بەلگىلى ءبىر ازاماتتىڭ الاياقتىق جولمەن 15 مىڭ تەڭگەنى يەمدەنىپ العانىن ايتقان.

انىقتالعانداي، ايەلدىڭ تانىسى – 31 جاستاعى ەر ادام تەلەفون شالىپ، ايەلىنىڭ جول اپاتىنا ۇشىراعانىن، وعان شۇعىل كومەك قاجەت ەكەنىن ايتقان. وعان سەنگەن جابىرلەنۋشى ەر ادامعا تەرمينال ارقىلى 15 مىڭ تەڭگە اۋدارعان.

ەكى كۇننەن كەيىن جول اپاتىنا ءتۇستى دەگەن ايەلدى كوشەدە كەزدەيسوق كەزدەستىرىپ قالادى. سول كەزدە ءوزىنىڭ الدانعانىن تۇسىنگەن ايەل تانىسىنىڭ العان اقشانى ءوز ماقساتىنا جۇمساعانىن بىلگەن. ق ر قك 190-بابى (الاياقتىق) بويىنشا قىلمىستىق ءىس قوزعالدى. قازىرگى ۋاقىتتا تەرگەۋ ءجۇرىپ جاتىر.