قازاقستاندا 9-سىنىپتان كەيىن كوللەدجگە وقۋعا تۇسكەن بالالار ءۇشىن وقۋ تەگىن بولادى. بۇل تۋرالى پرەمەر-مينيسترىڭ ورىنباسارى ەرالى توعجانوۆ مالىمدەدى.
– كوللەدجدەردە وقۋعا نيەت بىلدىرگەن 9-شى سىنىپ تۇلەكتەرىن 100 پايىزعا تەگىن وقۋمەن قامتۋ جوسپارلانۋدا. جىل سايىن 9-شى سىنىپتان كەيىن 30 مىڭ بالا كوللەدجدەردە اقىلى نەگىزدە وقۋدا.
ولاردىڭ ءبىرازى قارجىلىق قيىندىقتارىنا بايلانىستى كوللەدجدەردى وقۋىن بىتىرمەستەن تاستاپ كەتەتىن جاعدايلار دا جوق ەمەس. سوندىقتان جاستاردى، ونىڭ ىشىندە اسىرەسە از قامتىلعان وتباسىدان شىققان بالالاردى قولداۋ ماقساتىندا وقۋعا نيەت بىلدىرگەن بارلىق 9-سىنىپ تۇلەكتەرىنە كوللەدجدەردە تەگىن ءبىلىم الۋعا مۇمكىندىك جاسالاتىن بولادى، – دەدى پرەمەر-مينيسترىڭ ورىنباسارى.
پىكىر قالدىرۋ