«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك ەلباسى، پارتيا ليدەرى نۇرسۇلتان نازاربايەۆتىڭ تاپسىرماسى بويىنشا وڭىرلەرگە ساپارىن جالعاستىرۋدا. بۇگىن ول سايلاۋالدى ۋادەلەردىڭ قاراعاندى وبلىسىندا ورىندالۋ بارىسىمەن تانىستى.
ونىڭ ايتۋىنشا، مەملەكەت باسشىسى قاسىم-جومارت توقايەۆ جاريا ەتكەن «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاما اياسىندا وبلىستا 5 جىلعا جوسپارلانعان 1814 ءىس-شارانىڭ 25%ء-تى ورىندالعان. جىل باسىنان بەرى 308 مىڭ شارشى مەتر تۇرعىن ءۇي، 72 كم گاز قۇبىرى، 46 كم سۋ قۇبىرى جانە كارىز جەلىلەرى سالىنعان، 1،4 مىڭ كم جول جوندەۋدەن وتكەن. 4 جاڭا مەكتەپتىڭ قۇرىلىسى اياقتالۋدا. كاسىپكەرلىكتى دامىتۋ ماقساتىندا 60،4 ملرد تەڭگە سوماعا مىڭنان استام جوباعا قارجىلىق قولداۋ كورسەتىلگەن. 20 مىڭنان استام جۇمىس ورنى اشىلعان.
سايلاۋالدى باعدارلامادا اۋىلدىق جەرلەردەگى دارىندى بالالاردى انىقتاپ، قولداۋ كورسەتۋگە ەرەكشە نازار اۋدارىلعانىن ەسكەرە وتىرىپ، باۋىرجان بايبەك فيليال ءتوراعاسى، وبلىس اكىمى جەڭىس قاسىمبەكپەن بىرگە وساكاروۆكا كەنتىندەگى «جاستار» بالالار-جاسوسپىرىمدەر ورتالىعى جانىنداعى جاڭارتىلعان تەحنو ورتالىقتا بولدى.
«سايلاۋالدى باعدارلامانى ىسكە اسىرۋ اياسىندا مۇندا كۇردەلى جوندەۋ جۇرگىزىلىپ، زاماناۋي جابدىق ساتىپ الىنعان. 654 ءبىلىم الۋشى ءۇشىن 26 تەگىن ۇيىرمە، ونىڭ ىشىندە باعدارلامالاۋ ستۋدياسى، روبوتوتەحنيكا، جاساندى ينتەللەكت، بالاما ەنەرگەتيكا زەرتحانالارى جانە باسقالارى قولجەتىمدى. وقىتۋشىلار اراسىندا «ديپلوممەن اۋىلعا» باعدارلاماسى اياسىندا تۋعان جەرىنە ورالعان نۇر-سۇلتان، الماتى جانە قاراعاندى قالالارى جوعارى وقۋ ورىندارىنىڭ تۇلەكتەرى كوپ ەكەنىن اتاپ وتكىم كەلەدى»، – دەپ جازدى ول Facebook-تەگى پاراقشاسىندا.
«Nur Otan» ءتوراعاسىنىڭ ءبىرىنشى ورىنباسارى اتاپ وتكەندەي، اعا بۋىنعا قامقورلىق تانىتۋ – پارتيا باسىمدىقتارىنىڭ ءبىرى. بۇگىندە قاراعاندى وبلىسىندا 200 مىڭنان استام ەگدە جاستاعى ادام تۇرادى. سوندىقتان قارتتار كۇنى قارساڭىندا ول قاراعاندىدا «ارداگەرلەردى ارداقتايىق» پارتيالىق جوباسى اياسىندا اشىلعان بەلسەندى ۇزاق ءومىر ورتالىعىندا بولدى. مۇندا اعا بۋىن ءۇشىن لينگافون سىنىپتارى، بي جانە سپورتپەن اينالىسۋ زالى، سونداي-اق شىعارماشىلىق جانە وقۋ سىنىپتارى قولجەتىمدى. قارت كىسىلەردى بەلسەندى قوعامدىق ومىرگە تارتۋ ءۇشىن مۇنداي ورتالىقتار بۇكىل ەل كولەمىندە اشىلاتىن بولادى.
باۋىرجان بايبەك ءوز پوستىندا پارتيانىڭ سايلاۋالدى باعدارلاماسىنىڭ تاعى ءبىر ماڭىزدى باعىتى – ەرەكشە قاجەتتىلىكتەرى بار بالالاردى قولداۋ جايلى اتاپ ءوتتى. ونىڭ ايتۋىنشا، ەلباسى تاپسىرماسىمەن قولعا الىنعان «كەدەرگىسىز كەلەشەك» جوباسى اياسىندا 2025 جىلعا دەيىن كوللەدجدەر مەن جوعارى وقۋ ورىندارىندا، سونداي-اق مەكتەپتەر مەن مەكتەپكە دەيىنگى ۇيىمداردىڭ 70%-تىندە ينكليۋزيۆتى ءبىلىم بەرۋدى ەندىرۋ بويىنشا مىندەت قويىلعان.
«وسى باستامانى جۇزەگە اسىرۋعا «بولاشاق» كورپوراتيۆتىك قورى ولشەۋسىز ۇلەس قوسۋدا. بۇگىن قاراعاندىدا №5 جانە №102 مەكتەپتەردە ينكليۋزيانى قولداۋ كابينەتتەرىنە باراتىن وقۋشىلاردىڭ اتا-انالارىمەن كەزدەستىم. اتا-انالاردىڭ ايتۋىنشا، زاماناۋي ادىستەمەلەر مەن بولاشاقتىقتار وقىتقان مامانداردىڭ ارقاسىندا بالالاردىڭ الەۋمەتتىك جانە اكادەميالىق داعدىلارى جاقسارىپ، مىنەز-قۇلقىنداعى پروبلەمالارى ازايعان»، – دەدى ول.
جالپى، «بولاشاق» قورى وڭىرلەردە 59 مامانداندىرىلعان وڭالتۋ مەكەمەلەرىن اشىپ، جابدىقتاعان، ونىڭ ىشىندە 22 قالادا 43 ينكليۋزيانى قولداۋ كابينەتىن اشقان. 2 مىڭنان استام ەرەكشە ءبىلىم الۋعا قاجەتتىلىگى بار بالا قامتىلعان. ولاردىڭ كوپشىلىگى سويلەۋدى ۇيرەنىپ، ءوز بەتىنشە وقۋعا كوشكەن، ءارتۇرلى جارىستار مەن وليمپيادالاردىڭ جۇلدەگەرلەرى اتانعان.
وسى ورايدى پايدالانا وتىرىپ، باۋىرجان بايبەك ەرەكشە بالالاردىڭ اتا-انالارىنا «بولاشاق» قورى اعىلشىن تىلىنەن قازاق تىلىنە تىكەلەي دۋبلياجداعان مۋلتفيلمدەردىڭ ديسكىلەرىن تارتۋ ەتتى. ەلباسىنىڭ تىكەلەي قولداۋىمەن بولاشاقتىقتار «وزىڭنەن باستا» جوباسىنىڭ اياسىندا سوڭعى 10 جىلدا ەڭ جوعارى ستاندارتتار بويىنشا مەملەكەتتىك تىلگە 37 كينوكارتينانى دۋبلياجدادى.
سول كۇنى پارتيا ءتوراعاسىنىڭ ءبىرىنشى ورىنباسارى قاراعاندى، شىعىس قازاقستان جانە پاۆلودار وبلىستارىندا سايلاۋالدى ۋادەلەردىڭ ىسكە اسىرىلۋ بارىسىن قاراستىرىپ، ونلاين-فورماتتا كەڭەس وتكىزدى. تالداۋ كورسەتىپ وتىرعانداي، جەكەلەگەن تارماقتار بويىنشا جىل سوڭىنا دەيىن ورىندالماي قالۋ ءقاۋپى بار. باۋىرجان بايبەك فيليالدار باسشىلىعى مەن ءماسليحاتتارداعى فراكسيالاردىڭ نازارىن وسى باعىتتاعى جۇمىستاردى كۇشەيتۋ قاجەتتىگىنە اۋداردى.
پىكىر قالدىرۋ