Tesla جانە SpaceX كومپانياسىنىڭ باس اتقارۋشى ديرەكتورى يلون ماسك قىتايداعى ەلەكتر ەنەرگياسىنىڭ جەتىسپەۋشىلىگى جاھاندىق حاوس تۋدىرۋى مۇمكىن ەكەنىن ەسكەرتتى. ول
قىتايدىڭ كۇشەيىپ كەلە جاتقان ەنەرگەتيكا داعدارىسىنا الاڭداۋشىلىق ءبىلدىردى.
ساراپشىلار "ەنەرگيانىڭ جەتىسپەۋى جاھاندىق جەتكىزىلىم تىزبەگىنىڭ تۇراقتىلىعىنا ءقاۋىپ توندىرەدى" دەپ ەسكەرتەدى.
جۇڭگو ءقازىر كومىر باعاسىنىڭ وسۋىنە بايلانىستى ەنەرگەتيكالىق داعدارىستىڭ بەل ورتاسىندا تۇر. ەلدە پارنيكتىك شىعارىندىلارعا باقىلاۋدىڭ كۇشەيۋى جانە پروۆينسيالاردا ەنەرگيانى دۇرىس پايدالانباۋ حاوستى ودان ءارى كۇشەيتىپ، ۇيلەر، كاسىپورىندار مەن زاۋىتتار جارىقسىز قالدى.
تەحنولوگيالىق يمپەرياسى قىتايداعى وندىرۋشىلەردىڭ ۇزدىكسىز جۇمىسىنا سۇيەنەتىن يلون ماسك ەنەرگەتيكالىق داعدارىستىڭ اسەرىن سەزىپ ۇلگەرگەن.
ەلەكتر قۋاتىنىڭ توقتاۋى ميللياردەردىڭ ەلەكتروموبيلدەر شىعاراتىن Tesla كومپانياسىنا قاتىستى ءبىرقاتار زاۋىتتارداعى ءوندىرىستى توقتاتتى.
سزيانسۋ پروۆينسياسىنىڭ كۋنشان قالاسىنداعى "Eson Precision Engineering" كومپانياسى وندىرىستىك جەلىنى ۋاقىتشا توقتاتۋعا ءماجبۇر بولدى.
كەيبىر ساراپشىلار "الدا اۋىر قارجىلىق اپات كۇتىپ تۇر" دەپ الاڭداۋلى. ماماندار قىتايدىڭ ەكونوميكالىق ءوسۋىنىڭ توقتاپ قالۋى سالدارىنان قارجىلىق قۇلدىراۋ بولۋى ىقتيمال دەپ بولجايدى.
مىسالى، "Nomura" توبى ءوزىنىڭ ءوسۋ بولجامدارىن 8،2 پايىزدان 7،7 پايىزعا دەيىن قىسقارتتى.
بۇنىڭ ىقپالى قىتايدىڭ وزىنە عانا ەمەس، Tesla مەن Apple سياقتى تەحنولوگيالىق الپاۋىتتارعا تيەدى دەپ كۇتىلۋدە.
يلون ماسك تۆيتتەردە "بۇل وتە ماڭىزدى پروبلەما" دەپ جازدى.
دۇيسەنبى كۇنى قىتايدىڭ سولتۇستىك-شىعىسىنداعى حەيلۋنسزيان، سزيلين جانە لياونين پروۆينسيالارىندا جەرگىلىكتى بۇقارالىق اقپارات قۇرالدارى ەلەكتر ەنەرگياسىنىڭ "كۇتپەگەن جانە بۇرىن-سوڭدى بولماعان" ءۇزىلىسى بولعانىن حابارلاعان.
قىتايدىڭ مەملەكەتتىك "Global Times" گازەتىنىڭ جازۋىنشا، بۇل ۇزىلىستەر "ادامداردىڭ كۇندەلىكتى ءومىرى مەن كاسىپكەرلىك وپەراسيالاردىڭ اۋقىمدى بۇزىلۋىنا اكەلدى".
جۇڭگو شەنەۋنىكتەرى وندىرۋشىلەر مەن فابريكالاردى ەلەكتر ەنەرگياسىن تۇتىنۋدى شەكتەۋگە شاقىردى.
لياونين پروۆينسياسىنىڭ ورتالىعى شەنياندا حاوس ورناپ، ەلەكتر ەنەرگياسىنىڭ كەنەتتەن توقتاۋى باعدارشامنىڭ ىستەن شىعۋىنا اكەلىپ سوقتى.
ال، "Goldman Sachs" سياقتى اقش قارجىلىق الپاۋىتتارى جۇڭگو تۋرالى ءوسۋ بولجامدارىن وزگەرتتى.
"Goldman Sachs" ساراپشىلارى قىتايدىڭ ونەركاسىپتىك قىزمەتىندە 44 پايىزعا دەيىن حاوس بولدى دەپ ەسەپتەيدى.
پىكىر قالدىرۋ