20 قىركۇيەك كۇنى الماتىلىق يگور دۋجنوۆ بەس ادامدى اتىپ ولتىرۋىنە سەبەپ بولعان ءۇي كىمگە بەرىلەتىنى بەلگىلى بولدى. بۇل تۋرالى "ستۋديا 7" جوباسى حابارلادى.
سوت ورىنداۋشىلارىنىڭ ايتۋىنشا، وسى ۇيدەن ادامداردى شىعارۋ تۋرالى شەشىم كۇشىن ءالى ەشكىم جويعان جوق. سوندىقتان بۇل قۇجات ءالى دە ورىندالۋدا. 20 قىركۇيەكتە بولعان قايعىلى جاعدايعا بايلانىستى كوشىرۋ ءىسى باسقا سوت ورىنداۋشىسىنا بەرىلگەن.
– بۇل سوت ورىنداۋشىسى ءبارىن تولىقتاي جاڭعىرتىپ، پروسەدۋرا ودان ءارى جالعاساتىن بولادى. ياعني ورىنداۋ ءراسىمى ودان ءارى جۇرگىزىلەدى. ءبىراق بۇل جەردە ءبىز قۇقىقتىق ميراسقوردىڭ كەلۋىن كۇتەمىز، ياعني قايتىس بولعان ادامنىڭ جاقىن تۋىستارىنا بەرىلەدى، – دەدى الماتىنىڭ جەكە سوت ورىنداۋشىلار پالاتاسى باسشىسىنىڭ ورىنباسارى رۋسلان يسايەۆ.
باسىلىم مالىمەتىنشە، تۇتقىندالعان يگور دۋجنوۆتىڭ وتباسى اتىس بولعان ۇيدە تۇرادى. حابارلامادا ايتىلعانداي، قىستىڭ جاقىنداعانىنا بايلانىستى ۇيدەن شىعارۋ ۋاقىتى كەيىنگە قالدىرىلعان. ادامداردى ۇيدەن جىلدىڭ سۋىق مەزگىلىندە شىعارۋ زاڭعا قايشى.
پىكىر قالدىرۋ