پرەزيدەنت قاسىم-جومارت توقايەۆ ءوز جولداۋلارىندا ەلىمىزدە سيفرلاندىرۋدى ەنگىزۋدىڭ ماڭىزدىلىعىن ايتىپ كەلەدى. حالىقارالىق باعالاۋشىلاردىڭ مالىمەتىنشە قازاقستان سيفرلاندىرۋ جۇيەسىن ەنگىزۋدەن ورتالىق ازيادا العاشقى ورىندا ەكەن.

بۇل باعىتتا شىمكەنتتە قالا اكىمى بۇكىل قالا اۋماعىن تالشىقتى وپتيكا جەلىسىمەن قامتۋدى تاپسىرعان بولاتىن. وسىعان وراي قالادان شالعاي ورنالاسقان شاعىن اۋداندار مەن تۇرعىن الاپتاردى، ونىمەن قوسا ورتالىق كوشەلەردى وپتيكامەن قامتۋ جۇمىستارى قارقىندى جۇرگىزىلۋدە.

بيىل اكىمدىكتىڭ «Fishnet» كومپانياسىمەن جۇرگىزگەن كەلىسسوزدەرى ناتيجەسىندە ورتالىق كوشەلەردى تولىقتاي وپتيكا جەلىسىمەن قامتۋ جوسپارلانعان بولاتىن. قازىرگى تاڭدا كومپانيا قالا ورتالىعىنداعى 31 كوشەگە تولىقتاي تالشىقتى وپتيكا جەلىسى جۇرگىزىلدى. بۇل ازاماتتاردى 200 مبيت/سەك جىلدامدىعىنا دەيىن ساپالى ينتەرنەتپەن قامتاماسىز ەتۋگە مۇمكىندىك بەرەدى.

ولار - ع. يليايەۆ، كراسين، جىلقىشييەۆ، جەلتوقسان، ل.تولستوي، شايمەردەنوۆ، ن.تورەقۇلوۆ، ا.الىمبەتوۆ، م.ساپاربايەۆ، م. قوجا، م. مامەتوۆا، ش. ۋاليحانوۆ، ءا.تاجىبايەۆ، ا.اسانوۆ، م.شولوحوۆ، د.سارىقۇلوۆ، ع.ورمانوۆ، ليحاچيەۆ، بايزاق ۇلى، س.جاندوسوۆ، مولودايا گۆارديا، ك.سيولكوۆسكيي، دۋلاتي، قازىبەك بي، ق.امانجولوۆ، ا.ديۆايەۆ، ت.ورىنبايەۆ، ج.ادىربەكوۆ، قۇرمانعازى، شايمەردەنوۆ وتكەلى، ج.تاشەنوۆ كوشەلەرى.

قازان ايىنان باستاپ اتالعان كوشە تۇرعىندارى ءوتىنىش بەرۋ ارقىلى وپتيكا جەلىسىنە قوسىلا الادى. تۇرعىندار تاراپىنان وپتيكا جەلىسىنە قوسىلۋعا ءوتىنىم بەرىلگەن جاعدايدا جوعارىدا كورسەتىلگەن كوشەلەرگە (200 مبيت/سەك جىلدامدىعىنا دەيىن) ساپالى ينتەرنەت «FishNet» كومپانياسى ارقىلى جەتكىزىلەتىن بولادى.