تۇركىستان وبلىسىندا "نەسيەڭدى جاۋىپ بەرەمىن" دەپ تۇرعىندى الداعان بانك قىزمەتكەرى ۇستالدى، دەپ حابارلادى Polisia.kz.
كەنتاۋ قالاسى پوليسيا بولىمشەسىنىڭ كەزەكشى بولىمىنە جەرگىلىكتى تۇرعىن الاياقتىڭ قۇربانى بولعانىن ايتىپ، شاعىمدانعڭان. جابىرلەنۋشىنىڭ ايتۋىنشا، بەلگىسىز ادام ءوزىن "بانك قىزمەتكەرىمىن" دەپ تانىستىرىپ، "نەسيەڭدى جاۋىپ بەرەمىن" دەپ سەندىرگەن. كۇدىكتى وسى ءىسى ءۇشىن جابىرلەنۋشىدەن 200 مىڭ تەڭگە اقشا الىپ، بەرگەن ۋادەسىن ورىنداماي ابىگەرگە سالعان.
اتالعان جايتتى كەنتاۋ قالاسى پوليسيا باسقارماسى قىلمىستىق كودەكستىڭ 190-بابى (الاياقتىق) بويىنشا تىركەپ، كۇدىكتىنىڭ جەكە-باسىن انىقتاپ، ونى ۇستاعان. ول بۇرىن بانك قىزمەتكەرى بولىپ جۇمىس ىستەگەن جەرگىلىكتى تۇرعىن بولىپ شىقتى.
بەلگىلى بولعانداي، ۇستالعان ەر ازامات الداۋ جولىمەن العان اقشانى ءوزىنىڭ قاجەتتىلىگىنە جاراتىپ ۇلگەرگەن. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر. ءتارتىپ ساقشىلارى الاياقتىڭ بۇدان باسقا دا قىلمىستارعا قاتىستىلىعى انىقتالۋدا.
پىكىر قالدىرۋ